فوتو:elements.envato.com
القابيلەردٸڭ قاتىسۋىمەن شىعارىلعان ٷكٸمنٸڭ كٷشٸ جويىلىپ, جاڭادان قاراۋعا جٸبەرٸلدٸ, دەپ حابارلايدى "ۇلت اقپارات" الماتى سوتتارىنىڭ رەسمي پاراقشاسىنا سٸلتەمە جاساپ.
الماتى قالالىق سوتىنىڭ اپەللياتسييالىق ساتىسى القابيلەردٸڭ ايىپكەر نۇرتاەۆتىڭ ٸس-ەرەكەتتەرٸن قاساقانا ادام ٶلتٸرۋدەن (قك-نٸڭ 99 ب., 1 ب.) قۋاتتى پسيحيكالىق تولقۋ جاعدايىندا ادام ٶلتٸرۋگە (قك-نٸڭ 101 ب.) اۋىستىرۋ تۋرالى ٷكٸمٸنٸڭ كٷشٸن جويدى.
القابيلەردٸڭ قاتىسۋى ارقىلى شىعارىلعان ٷكٸمنٸڭ كٷشٸن جويۋعا مىنا مەن-جايلار نەگٸز بولعان:
• سوت بۇرىن زەرتتەمەگەن دەلەلدەمەلەرگە سٸلتەمە جاساعان قورعاۋشى تاراپ ادۆوكاتىنىڭ پٸكٸرتالاس بارىسىندا سٶيلەۋ تەرتٸبٸن بۇزۋى - ياعني زاڭ تالاپتارىنىڭ بۇزىلۋى سوت تەرگەۋٸن قايتا جاڭعىرتۋعا ەكەلدٸ.
• القابيلەرگە بەلگٸلٸ بٸر زاڭ تەرميندەرٸ قولدانىلا وتىرىپ, سۇراقتار قويىلدى. مىسالى: كەنەتتەن پايدا بولعان قۋاتتى پسيحيكالىق تولقۋ جاعدايىندا ادام ٶلتٸرۋ, بۇعان زاڭ بويىنشا جول بەرٸلمەيدٸ.
• ايىپتاۋشى تاراپ ٸس ماتەريالدارىنا قوسا بەرٸلمەگەن بەينەجازباسى بار ديسك تٷرٸندەگٸ جول بەرٸلمەيتٸن دەلەلدەمەنٸ ۇسىندى, ديسكتٸڭ شىعۋ تەگٸ ەشبٸر دەيەكپەن راستالمادى, مۇنداي ديسك زاتتىق دەلەلدەمە دەپ تانىلمادى.
"اپەللياتسييالىق ساتىدا ايىپتاۋدىڭ دەلەلدەنۋٸ مەن دەلەلدەنبەۋٸن, دەلەلدەمەلەردٸڭ دەيەكتٸلٸگٸ نەمەسە دەيەكسٸزدٸگٸن, كەيبٸر دەلەلدەمەلەردٸڭ باسقالارىنىنان باسىمدىعىن, سوتتىڭ قانداي دا بٸر قىلمىستىق زاڭدى قولدانۋى جەنە تاعايىندالعان جازا شاراسى تۋرالى مەسەلەنٸ شەشۋگە تىيىم سالىنادى.
اپەللياتسييالىق ساتىداعى سوت قىلمىستىق جەنە پروتسەستٸك زاڭناما نورمالارىنىڭ ساقتالۋىن تەكسەرەدٸ جەنە وسى نەگٸزدە القابيلەردٸڭ قاتىسۋى ارقىلى شىعارىلعان ٷكٸمنٸڭ زاڭدىلىعىن, دەلەلدٸلٸگٸن جەنە ەدٸلدٸگٸن تەكسەرەدٸ" - دەلٸنگەن حابارلامادا.
ٸس جٷرگٸزۋ نورمالارىنىڭ بۇزىلۋى نەگٸزگە الىنا وتىرىپ, ٷكٸمنٸڭ كٷشٸ جويىلدى. ٸس جاڭا سوت تالقىلاۋىنا جٸبەرٸلدٸ.
ايتا كەتەيٸك, قىلمىستىق وقيعا بىلتىر قازان ايىندا بولعان. زاڭگەر ەيەلدٸ بۇرىنعى كٷيەۋٸ تالعات نۇرتاەۆ 18 جەردەن پىشاقتاپ ٶلتٸرگەن. بيىل 17 مامىردا سوت ەر ادامعا 1 جىل 6 ايعا قونىس كولونيياسىندا جازاسىن ٶتەۋ تۋرالى ٷكٸم شىعارعان. سوتتالۋشىنىڭ ەرەكەتٸ قىلمىستىق كودەكستٸڭ 1-بٶلٸگٸنٸڭ 99-بابى "قاساقانا كٸسٸ ٶلتٸرۋ" بابىنان قىلمىستىق كودەكستٸڭ 101-بابى "قاتتى پسيحيكالىق تولقۋ جاعدايىندا كٸسٸ ٶلتٸرۋ" بابىنا اۋىستىرىلعان.
