كارانتيندٸك فيتوسانيتارييالىق باقىلاۋ جەنە قاداعالاۋ بارىسىندا جالپى كٶلەمٸ 6 توننا بولاتىن جاڭا پٸسكەن قييار رەسەي فەدەراتسيياسىنا كەرٸ قايتارىلدى, دەپ حابارلايدى ult.kz.
قر اۋىل شارۋاشىلىعى مينيسترلٸگٸنٸڭ باسپاسٶز قىزمەتٸنٸڭ مەلٸمەتٸنشە, ٶنٸم فيتوسانيتارييالىق باقىلاۋ مەن قاداعالاۋدان زاڭنامادا بەلگٸلەنگەن تەرتٸپكە سەيكەس ٶتپەگەن. وسىعان بايلانىستى كارانتيندٸك جٷك قازاقستان اۋماعىنا كٸرگٸزٸلمەي, كەرٸ جٶنەلتٸلدٸ.
ۆەدومستۆو فيتوسانيتارييالىق تالاپتاردى ساقتاۋ ەلدٸڭ كارانتيندٸك قاۋٸپسٸزدٸگٸن قامتاماسىز ەتۋدٸڭ, قاۋٸپتٸ كارانتيندٸك وبەكتٸلەردٸڭ ەكەلٸنۋٸ مەن تارالۋىنا جول بەرمەۋدٸڭ, سونداي-اق وتاندىق اگروٶنەركەسٸپ كەشەنٸن قورعاۋدىڭ ماڭىزدى شارتى ەكەنٸن ەسكە سالدى.
وسىعان بايلانىستى سىرتقى ەكونوميكالىق قىزمەتكە قاتىسۋشىلارعا ٶسٸمدٸكتەر كارانتينٸ سالاسىنداعى زاڭ تالاپتارىن قاتاڭ ساقتاپ, بەلگٸلەنگەن باقىلاۋ رەسٸمدەرٸنەن ۋاقىتىلى ٶتۋ قاجەتتٸگٸ ەسكەرتٸلدٸ.
اۋىل شارۋاشىلىعى مينيسترلٸگٸنٸڭ اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸ مەملەكەتتٸك شەكارا ارقىلى تاسىمالداناتىن كارانتيندٸك ٶنٸمدەرگە باقىلاۋدى جالعاستىرىپ, فيتوسانيتارييالىق قاۋٸپسٸزدٸكتٸ قامتاماسىز ەتۋ جۇمىستارىن كٷشەيتٸپ جاتقانىن مەلٸمدەدٸ.
ايتا كەتەيٸك, بۇعان دەيٸن مينيسترلٸك زييانكەستەرمەن زالالدانعان 128 توننا استىقتى دا كەرٸ قايتارعان بولاتىن.
