Karantindik fitosanitariialyq baqylaý jáne qadaǵalaý barysynda jalpy kólemi 6 tonna bolatyn jańa pisken qiiar Resei Federatsiiasyna keri qaitaryldy, dep habarlaidy ult.kz.
QR Aýyl sharýashylyǵy ministrliginiń baspasóz qyzmetiniń málimetinshe, ónim fitosanitariialyq baqylaý men qadaǵalaýdan zańnamada belgilengen tártipke sáikes ótpegen. Osyǵan bailanysty karantindik júk Qazaqstan aýmaǵyna kirgizilmei, keri jóneltildi.
Vedomstvo fitosanitariialyq talaptardy saqtaý eldiń karantindik qaýipsizdigin qamtamasyz etýdiń, qaýipti karantindik obektilerdiń ákelinýi men taralýyna jol bermeýdiń, sondai-aq otandyq agroónerkásip keshenin qorǵaýdyń mańyzdy sharty ekenin eske saldy.
Osyǵan bailanysty syrtqy ekonomikalyq qyzmetke qatysýshylarǵa ósimdikter karantini salasyndaǵy zań talaptaryn qatań saqtap, belgilengen baqylaý rásimderinen ýaqytyly ótý qajettigi eskertildi.
Aýyl sharýashylyǵy ministrliginiń Agroónerkásiptik keshendegi memlekettik inspektsiia komiteti memlekettik shekara arqyly tasymaldanatyn karantindik ónimderge baqylaýdy jalǵastyryp, fitosanitariialyq qaýipsizdikti qamtamasyz etý jumystaryn kúsheitip jatqanyn málimdedi.
Aita keteiik, buǵan deiin ministrlik ziiankestermen zalaldanǵan 128 tonna astyqty da keri qaitarǵan bolatyn.
