قۇرامىنا پارلامەنت دەپۋتاتتارى مەن مەملەكەتتٸك ورگانداردىڭ, «نۇر وتان» پارتيياسىنىڭ, «اتامەكەن» ۇكپ جەنە بۇقارالىق اقپارات قۇرالدارىنىڭ مٷشەلەرٸ كٸرەتٸن مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ ەدەپ جٶنٸندەگٸ كوميسسييانىڭ كەزەكتٸ وتىرىسى ٶتتٸ. وندا سىبايلاس جەمقورلىق پەن قىزمەتتٸك ەدەپ نورمالارىنىڭ تالاپتارىن بۇزعان بٸرقاتار ۆەدومستۆو قىزمەتكەرلەرٸنٸڭ مەسەلەلەرٸ قارالدى.
مەملەكەتتٸك قىزمەتكە كٸر كەلتٸرەتٸن تەرتٸپتٸك تەرٸس قىلىقتاردىڭ الدىن الۋ جٶنiندە شارالاردى ەزiرلەۋ كوميسسييانىڭ نەگٸزگٸ فۋنكتسييالارىنىڭ بٸرٸ بولىپ تابىلادى. سوندىقتان دا اشىق ەسٸك جاعدايىندا ٶتكەن ۋەكٸلەتتٸ ورگاننىڭ كەزەكتٸ وتىرىسىندا بٸلٸم جەنە عىلىم مينيسترلٸگٸ عىلىم كوميتەتٸنٸڭ, ەدٸلەت مينيسترلٸگٸنٸڭ جەنە ۇلتتىق ەكونوميكا مينيسترلٸگٸ مەملەكەتتٸك ماتەريالدىق رەزەرۆتەر كوميتەتٸنٸڭ تەندەرلٸك كوميسسييا مٷشەلەرٸنە قاتىستى 3 تەرتٸپتٸك ٸس قارالدى.
كٷن تەرتٸبٸنە شىعارىلعان مەسەلەلەردٸ تالقىلاۋ نەتيجەسٸندە كوميسسييا عىلىم كوميتەتٸ تٶراعاسىنىڭ ورىنباسارى ل.قۇسايىنوۆانى لاۋازىمىنان بوساتۋ تٷرٸندەگٸ تەرتٸپتٸك جازا قولدانۋ شەشٸمٸن قابىلدادى. دەسەك تە, اگەنتتٸك تٶراعاسىنىڭ ورىنباسارى اليك شپەكباەۆتىڭ تٶراعالىعىمەن ٶتكەن وتىرىستا مۇنداي شەشٸمدٸ قۇپتاماعان كوميسسييا مٷشەلەرٸ دە بولدى. سەبەبٸ, ٶز ٸسٸنٸڭ بٸلگٸرٸ ەرٸ وسى سالاعا قاتىستى كەيبٸر زاڭداردىڭ جازىلۋ پروتسەسٸنە بەلسەندٸ قاتىسقان لەززات قۇسايىنوۆانىڭ بار كٸنەسٸ – كەزەكتٸ ەڭبەك دەمالىسىن پايدالانىپ يراندا ٶتكەن عىلىمي-پراكتيكالىق كونفەرەنتسيياعا قاتىسىپ قايتۋى بولىپتى.
مٸنە, بۇل ساپار ەندٸ ٶزٸنە بەلە بوپ جابىسقان سىڭايلى. ٶيتكەنٸ, قولدانىستاعى زاڭدارىمىز عىلىم كوميتەتٸ تٶراعاسىنىڭ ورىنباسارىنا مينيسترلٸكتٸڭ جاۋاپتى حاتشىسى م.راحىمجانوۆتىڭ رۇقساتىنسىز شەتەلگە ساپارعا شىعۋىنا تىيىم سالادى ەكەن. الايدا, سەۋٸر ايىندا بار شىعىنىن ٶز مويىندارىنا الاتىندىعىن حابارلاپ, يراننان جەتكەن شاقىرتۋدى ل.قۇسايىنوۆا باسشىلىعىنا كٶرسەتكەندە, جاۋاپتى حاتشى تاراپىنان بۇل ەرەكەت ماقۇلدانبايدى. ال القالى جيىننان شەت قالعىسى كەلمەگەن ل.قۇسايىنوۆا كەزەكتٸ ەڭبەك دەمالىسىن الادى دا, تەگەرانعا تارتىپ وتىرادى.
وتىرىستا وسى مەسەلەگە وراي ٷن قاتقان بٸلٸم جەنە عىلىم مينيسترلٸگٸ زاڭ قىزمەتٸ جەنە حالىقارالىق ىنتىماقتاستىق دەپارتامەنتٸنٸڭ ديرەكتورى نۇرسەيٸت بايجانوۆ تٶراعا ورىنباسارىنىڭ بۇل ەرەكەتٸ زاڭعا قايشى ەكەندٸگٸن ايتتى. «بۇل كٸسٸنٸڭ مەملەكەتتٸك قۇپييا قۇجاتتارعا رۇقساتى بولماسا دا, سونداي دەڭگەيدەگٸ ادامدارمەن بايلانىسۋعا مٷمكٸندٸگٸ ٶتە جوعارى. سوندىقتان دا قۇسايىنوۆا باسشىلىقتىڭ كەلٸسٸمٸنسٸز شەتەلگە شىقپاۋى تيٸس ەدٸ», – دەدٸ ول.
كوميسسييا مٷشەلەرٸنٸڭ بٸرٸ كەمەلەتكە تولماعان ەكٸ بالاسىنىڭ بارىن جەنە 20 جىلدىق ەڭبەك ٶتٸلٸندە بٸر رەت تە ەسكەرتۋ نە سٶگٸس الماعانىن ەسكەرٸپ, ل.قۇسايىنوۆانى بٸردەن قىزمەتتەن قۋماي, لاۋازىمىن تٶمەندەتۋ جولدارىن قاراستىرۋدى ۇسىنعان ەدٸ. الايدا, «مەملەكەتتٸك قىزمەت تۋرالى» زاڭنىڭ 50-بابى, 1-تارماعى, 18-تارماقشاسىنا سەيكەس, مۇنداي جاعدايدا تٷسٸنٸستٸك تانىتۋ ارقىلى تٷيٸندٸ تارقاتۋ زاڭعا تومپاق كەلەتٸن بولىپ شىقتى. سوندىقتان دا, ەدەپ كوميسسيياسى مٷشەلەرٸ داۋىسقا سالۋ ارقىلى زاڭ اياسىنداعى تيٸستٸ جازا – قىزمەتتەن شەتتەتۋ تۋرالى شەشٸم شىعارماسقا شاراسى قالمادى.
ودان ٶزگە ەكٸ جاعدايدا قىزمەتكەرلەردٸڭ كەيبٸرٸ ٶزدەرٸنەن كەتكەن قاتەلٸكتەرٸن بٸردەن مويىنداپ, قانداي شارا مەن جازا تاعايىندالسا دا قارسى ۋەج ايتا المايتىندارىن بٸلدٸردٸ. ەسٸرەسە, ەدٸلەت مينيسترلٸگٸ سوت اكتٸلەرٸن ورىنداۋ دەپارتامەنتٸنٸڭ بٸلٸكتٸلٸك كوميسسييا مٷشەلەرٸنە قاتىستى سۇراققا الىنعاندار اراسىندا بٸلدەي جەتٸ قىزمەتكەردٸڭ كەمشٸلٸگٸ ٷشٸن جالعىز ٶزٸن جازالاۋدى ٶتٸنگەن ازاماتتار دا بولدى.
ال ۇلتتىق ەكونوميكا مينيسترلٸگٸنٸڭ مەملەكەتتٸك ماتەريالدىق رەزەرۆتەر كوميتەتٸندەگٸ تەندەرلٸك كوميسسييا مٷشەلەرٸنە قاتىستى مەسەلەدە ەدەپ كوميسسيياسىنىڭ مٷشەلەرٸ كەيبٸر قىزمەتكەرلەردٸ تيەسٸلٸ لاۋازىمدارىنان تٶمەندەتۋ تۋرالى شەشٸم قابىلدادى. ەندٸگٸ جەردە ولارعا قىزمەتiنە تولىق سەيكەس ەمەستiگi تۋرالى ەسكەرتۋ تٷرٸندەگٸ تەرتٸپتٸك جازا قولدانىلاتىن بولدى.
ايتا كەتەيٸك, سىبايلاس جەمقورلىققا قارسى زاڭ بۇزۋشىلىقتاردىڭ الدىن الۋ مەن مەملەكەتتٸك قىزمەتشٸلەردٸڭ جەمقورلىققا تٶزبەۋشٸلٸك قاعيداتتارىن قالىپتاستىرۋ جۋىردا عانا قايتا قۇرىلىمداۋدان ٶتكەن مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ باستى باسىمدىقتارىنىڭ بٸرٸ بولىپ تابىلادى. سوندىقتان دا وسى تاقىلەتتەس وتىرىستاردى اشىق ەسٸك جاعدايىندا جيٸ ۇيىمداستىرۋ داعدىعا اينالىپ كەلەدٸ.
نۇرلىبەك دوسىباي,
«ەگەمەن قازاقستان»
.jpeg)