جامبىل وبلىسىندا «ForYou Energy» جشس قولعا العان قاتتى تۇرمىستىق قالدىقتاردى كەدەگە جاراتاتىن زاۋىتتىڭ قۇرىلىسىنا كاپسۋلا سالۋ رەسٸمٸ ٶتتٸ. ٸرٸ ينۆەستيتسييالىق جوبا قازاقستان رەسپۋبليكاسى مەن كورەيا رەسپۋبليكاسى اراسىنداعى ينۆەستيتسييالىق ىنتىماقتاستىق اياسىندا جٷزەگە اسىرىلادى, دەپ حابارلايدى ult.kz ٶڭٸر ەكٸمدٸگٸنە سٸلتەمە جاساپ.
جوبا اياسىندا قاتتى تۇرمىستىق قالدىقتاردى ٶڭدەپ, ەلەكتر ەنەرگيياسىن ٶندٸرەتٸن زاماناۋي كەشەن سالىنادى. جوبانىڭ جالپى قۇنى 80 ملرد تەڭگەنٸ قۇرايدى. ول ەكٸ كەزەڭمەن ٸسكە اسىرىلادى. بٸرٸنشٸ كەزەڭ 2027 جىلدىڭ ٸ توقسانىندا, ەكٸنشٸ كەزەڭ 2029 جىلدىڭ ٸٸٸ توقسانىندا پايدالانۋعا بەرٸلەدٸ.
كەسٸپورىندا كورەيا رەسپۋبليكاسىنىڭ وزىق تەحنولوگييالارى ەنگٸزٸلٸپ, تەۋلٸگٸنە 900 تونناعا دەيٸن قاتتى تۇرمىستىق قالدىق ٶڭدەلەدٸ جەنە 20 مۆت-قا دەيٸن ەلەكتر ەنەرگيياسى ٶندٸرٸلەدٸ. قۇرىلىس كەزەڭٸندە 400 ادام ەڭبەك ەتەدٸ. زاۋىت تولىق ٸسكە قوسىلعاننان كەيٸن كەسٸپورىندا 200 ادام تۇراقتى جۇمىسپەن قامتىلادى.
جوبانىڭ نەگٸزگٸ ماقساتى – قورشاعان ورتاعا تٷسەتٸن ەكولوگييالىق جٷكتەمەنٸ ازايتۋ جەنە «جاسىل» ەنەرگەتيكانى دامىتۋ. سونىمەن قاتار قازاقستاندىق مامانداردىڭ بٸلٸكتٸلٸگٸن ارتتىرۋعا باسىمدىق بەرٸلەدٸ. «تازا قازاقستان» باعدارلاماسى اياسىندا بيىل كٷزدە قۇرىلىس الاڭىنا 1000 تٷپ قاراعاش وتىرعىزۋ جوسپارلانىپ وتىر.
