جۋىردا جامبىل اۋدانىنىڭ سۇرانشى باتىر اۋىلىندا ەل-جۇرتتى ەلەڭ ەتكٸزەرلٸك ٸس-شارا ٶتكٸزٸلدٸ. ناقتىراق ايتاتىن بولساق, اتالعان ەلدٸ مەكەندە 20 باس ٸرٸ قارانى بٸردەن كٷتٸمگە الۋعا مٷمكٸندٸك بەرەتٸن زاماناۋي بورداقىلاۋ الاڭى جۇمىسىن باستادى.
جالپى, بۇل ەلدٸمەكەن - اتاقتى سۋىقتٶبە تاۋىنىڭ باۋرايىنا ورنالاسقان شۇرايلى ٶلكەلەردٸڭ بٸرٸ. كەزٸندە امانگەلدٸ اتىنداعى قوي سوۆحوزىنىڭ ورتالىعى بولىپ تۇرعاندا وسى جەردەن ٶربٸگەن مال ٶرٸسٸنە سىيماي جاتاتىن. ٸرگەلٸ شارۋاشىلىقتىڭ قاراماعىندا 30-35 مىڭعا تارتا قوي, 500-گە جۋىق ٸرٸ قارا, 300 باستاي جىلقى مالى بولعان ەدٸ. اقتىلى قوي ٶسٸرٸپ, ەل ريزىعىن تاسىتقان ەڭبەك ادامدارىنىڭ اراسىنان شىنايى قۇرمەتكە بٶلەنگەن نەبٸر وزاتتار شىقتى. سولاردىڭ ٸشٸندە ەڭبەك ارداگەرلەرٸ, وردەندٸ اعا شوپاندار ەبدٸعۇل ەگٸنشٸباەۆ, قايىرعالي سەگٸزباەۆ, بولدىرعان قاليبەكوۆا, سەرٸكباي سابىروۆ, نۇرلىبەك ەگٸنشيەۆتەردٸڭ وتاردان-وتار ٶرگٸزگەن ەرەن ەڭبەگٸن ەل-جۇرتى ەلٸ ۇمىتا قويعان جوق.
سول اتاقتى مالشىلار ۇرپاقتارىنىڭ كٶپشٸلٸگٸ ەلٸ كٷنگە اتاكەسٸپتٸ سەرٸك ەتٸپ, مال باسىن جىلدان-جىلعا كٶبەيتٸپ, ٶرٸستٸ مالعا تولتىرىپ كەلەدٸ. ٶزدەرٸ جەكە شارۋاشىلىقتار قۇرىپ العان ولار جاڭا زاماننىڭ تالابىنا ساي اقتىلى مال ٶسٸرٸپ, ونىڭ ريزىعىن كٶرٸپ وتىر. ساتىبالدى نۇرمانوۆ, قايدار ارتىقباەۆ, مۇقامەتقالي شٶيبەكوۆ, جۇماعالي شورمانوۆ, عالەل ەگٸنشٸباەۆ, بەرٸك بەيسەمبيەۆ سىندى ازاماتتاردىڭ تيياناقتى تٸرلٸگٸ بٷگٸندە زامانداستارىنىڭ قاي-قايسىسىنا دا ٷلگٸ-ٶنەگە بولعانداي.
بٸر كەزدەگٸ ٸرگەلٸ شارۋاشىلىق ىدىراۋعا شاق قالعاندا «امانگەلدٸ» كووپەراتيۆٸنٸڭ تٶراعالىعىنا تاعايىندالىپ, اۋىس-تٷيٸستەن قالعان از عانا مال مەن تەحنيكانىڭ باسىن قۇراپ, «امانگەلدٸ» شارۋا قوجالىعىن قۇرعان بٸلٸكتٸ باسشى, تەحنيكا تٸلٸن جەتٸك بٸلەتٸن بەساسپاپ ينجەنەر ساتىپالدى نۇرمانوۆ ەل ريزىعى بولىپ تابىلاتىن جەر قورىن شاشاۋ شىعارماي بٸر ٶزٸ يگەرٸپ, جۇرتتىڭ ٷلەسٸن كٷزگٸ جيىن-تەرٸندە جىلما-جىل بٶلٸپ بەرٸپ وتىر.
بٷگٸنگٸ شاراعا سولاردىڭ بەرٸ بٸردەي جينالىپ كەلٸپ, اۋىلدان شىققان بٸلٸكتٸ ازاماتتاردىڭ تاعىلىمدى ٸسٸنە تٸلەكتەرٸن ايتىپ, قولداۋ بٸلدٸرٸپ جاتتى. جاماعاتقا جاعىمدى بۇل جاڭالىق - «ايبەك» جەنە «ٶركەن», باسشىلارى م. ٸزباساروۆ, م. شٶيبەكوۆ, شارۋا قوجالىقتارىنىڭ تالاپ اۋىلدىق وكرۋگٸ اۋماعىنان جاڭادان سالعان, 20 باس ٸرٸ قارانى بٸردەن كٷتٸمگە الۋعا مٷمكٸندٸك بەرەتٸن, زاماناۋي تالاپتارعا ساي جابدىقتالعان جاڭا بورداقىلاۋ الاڭىنىڭ تۇساۋكەسەر رەسٸمٸ بولاتىن.
سالتاناتتى شارانى تالاپ اۋىلدىق ەكٸمشٸلٸگٸ جاستار ٸسٸ جەنە ٸشكٸ ساياسات بٶلٸمٸنٸڭ باسشىسى اينۇر كاربوزوۆا اشىپ, الاڭنىڭ كٶگٸلدٸر لەنتاسىن ەڭبەك ارداگەرلەرٸ, اتاقتى شوپان قايىرعالي سەگٸزباەۆ پەن ارداقتى انا ۇلتۋعان شويبەكوۆا سالتاناتتى تٷردە قيدى. قازاقي سالت-دەستٷر بويىنشا شاشۋ شاشىلدى. جينالعان قاۋىم يگٸلٸكتٸ ٸستٸڭ باستاماشىلارىنا بٸراۋىزدان قۇتتى بولسىن ايتىپ, ٸزگٸ تٸلەكتەرٸن ارنادى.
تالعات سٷيٸنباي,
قازاق جۋرناليستيكاسىنىڭ قايراتكەرٸ,
جامبىل اۋدانى
