33 جىل مال باعىپ, 100 جىلقى ۇرلادى دەپ ايىپتالعان ەر ادامعا ادۆوكات مەيٸرمان شەكەەۆ كٶمەك كٶرسەتپەك, دەپ حابارلايدى ult.kz.
بۇل تۋرالى ادۆوكاتتىڭ ٶزٸ ەلەۋمەتتٸك جەلٸدەگٸ پاراقشاسىندا جازدى.
“كەشەدەن بەرٸ مەنٸ وسى مەسەلەگە بايلانىستى كٶپ ادام بەلگٸلەپ, حابارلاسىپ جاتىر. دەنساۋلىعىما بايلانىستى باس كٶتەرە الماي, ەشكٸمگە جاۋاپ بەرە المادىم. قازٸر وسى ٸستە اپەللياتسييالىق سوتتا اتانى اقتاپ شىعىپ “ەرلٸك كٶرسەتكەن “ادۆوكاتتار”قارسى بولماسا بٸرلەسە ٶندٸرٸسٸمە السامبا دەيمٸن. جۇمىلا كٶتەرگەن جٷك جەڭٸل. بٷگٸن رۋسلان ٶتەپباي باۋىرىم وقيعا ورنىنا بارىپ, سول جاقتان ناقتى اقپارات بەرەدٸ. ودان كەيٸن الداعى قادامداردى اقىلداسىپ, شەشٸم قابىلدايتىن بولامىز. بۇل جەردە ارىزدانۋشىعا قاتىستى قك 419,420 بابتارىنىڭ بەلگٸلەرٸدە بار سيياقتى”, - دەپ جازدى ول.
ايتا كەتەيٸك, اقتٶبە وبلىستىق سوتى 60 جاستاعى جىلقىشى راحات سەرسەنوۆكە قاتىستى شىعارىلعان ٷكٸمدٸ قايتا قاراپ, ونى سوت زالىنان بوساتتى.
بۇعان دەيٸن ول قوجالىق يەسٸنٸڭ ارىزىنان كەيٸن 100 جىلقىنى جىمقىردى دەگەن ايىپپەن 7 جىلعا باس بوستاندىعىنان ايىرىلىپ, موينىنا شامامەن 30 ميلليون تەڭگە شىعىن ٸلٸنگەن بولاتىن. الايدا اپەللياتسييالىق سوتتا ۇسىنىلعان قوسىمشا دەلەلدەر نەتيجەسٸندە بٸر عانا جىلقىنىڭ جوعالعانى انىقتالدى.
اپەللياتسييالىق سوت وتىرىسى ەموتسيياعا تولى ٶتتٸ. ٶمٸرٸنٸڭ 33 جىلىن جىلقى باعۋعا ارناعان راحات سەرسەنوۆ ٷكٸم ٶزگەرگەننەن كەيٸن سوت زالىنان بوستاندىققا شىقتى. دەنساۋلىعى سىر بەرگەن ازامات سوت بارىسىندا سٶيلەي الماي, كٶز جاسىنا ەرٸك بەردٸ. ونىڭ ينسۋلتتەن كەيٸن بٸر قولى مەن بٸر اياعى تولىق جۇمىس ٸستەمەي قالعان, سٶيلەۋٸ دە قيىنداعان.
