قر ٸشكٸ ٸستەر مينيسترٸنٸڭ ورىنباسارى يۋريي يلين سۋ باسقان قوستاناي وبلىسىنداعى اۋىلدىڭ جاعدايىن ايتتى, دەپ حابارلايدى قازاقپارات.
«قازٸرگٸ كەزدە قاردىڭ قارقىندى ەرۋٸ اقمولا وبلىسىندا بايقالىپ وتىر. بۇل تۇرعىدا جاباي ٶزەنٸ ماڭى, اتباسار اۋدانى اۋماعىن اتاپ ٶتكەن جٶن. وسى ورايدا سۋدىڭ بٸرتٸندەپ كٶتەرٸلۋٸ بايقالۋدا», - دەدٸ يۋ. يلين.
سونىمەن قاتار ول ەلٸمٸزدەگٸ ٶڭٸرلەردٸڭ باسىم بٶلٸگٸندە, ونىڭ ٸشٸندە قاراعاندى جەنە پاۆلودار وبلىستارى اۋماعىندا قار ەرٸپ كەتكەنٸن جەتكٸزدٸ.
بۇدان بٶلەك, يۋ. يلين قوستاناي وبلىسىنداعى قاراسۋ اۋدانىندا سۋ باسقان اۋىلدىڭ جاعدايىنا توقتالدى.
«قوستاناي وبلىسىندا سۋ باسقان اۋىل بار, ياعني قاراسۋ اۋدانىنداعى اۋىلدا 60-قا تارتا ٷي اۋلاسىندا سۋ دەڭگەيٸ كٶتەرٸلدٸ. كەشە اتالعان ٷيلەردەن ەۆاكۋاتسييالاۋ جٷرگٸزٸلدٸ. تيٸستٸ جۇمىستار اتقارىلدى. وسى ورايدا 30-عا جۋىق ٷيدٸڭ تۇرعىندارى ٶز باسپاناسىنا كٸرە الادى. مەنٸڭ ويىمشا, ەرتەڭ كەشكە قاراي اتالعان ەلدٸ مەكەنگە قاتىستى قاۋٸپتٸ جويۋ مٷمكٸن بولادى», - دەدٸ مينيستردٸڭ ورىنباسارى.
