QR Ishki ister ministriniń orynbasary Iýrii Ilin sý basqan Qostanai oblysyndaǵy aýyldyń jaǵdaiyn aitty, dep habarlaidy QazAqparat.
«Qazirgi kezde qardyń qarqyndy erýi Aqmola oblysynda baiqalyp otyr. Bul turǵyda Jabai ózeni mańy, Atbasar aýdany aýmaǵyn atap ótken jón. Osy oraida sýdyń birtindep kóterilýi baiqalýda», - dedi Iu. Ilin.
Sonymen qatar ol elimizdegi óńirlerdiń basym bóliginde, onyń ishinde Qaraǵandy jáne Pavlodar oblystary aýmaǵynda qar erip ketkenin jetkizdi.
Budan bólek, Iu. Ilin Qostanai oblysyndaǵy Qarasý aýdanynda sý basqan aýyldyń jaǵdaiyna toqtaldy.
«Qostanai oblysynda sý basqan aýyl bar, iaǵni Qarasý aýdanyndaǵy aýylda 60-qa tarta úi aýlasynda sý deńgeii kóterildi. Keshe atalǵan úilerden evakýatsiialaý júrgizildi. Tiisti jumystar atqaryldy. Osy oraida 30-ǵa jýyq úidiń turǵyndary óz baspanasyna kire alady. Meniń oiymsha, erteń keshke qarai atalǵan eldi mekenge qatysty qaýipti joiý múmkin bolady», - dedi ministrdiń orynbasary.
