Petropavlda ýaqytsha turýǵa ruqsaty bar 39 jastaǵy Armeniia azamaty bes ai ishinde 31 quqyq buzýshylyq jasaǵan. Sot ony Qazaqstannan shyǵaryp, aldaǵy bes jylda elge kirýine tyiym saldy, dep habarlaidy ult.kz.
KTK málimetinshe, er adam qoǵamdyq orynda beiádep sóz aityp, túngi tynyshtyqty buzǵan. Sondai-aq jol erejesin birneshe ret buzyp, jyldamdyqty asyrǵan jáne júrgizýshi kýáliginsiz kólik basqarǵan.
Oǵan salynǵan aiyppuldardyń jalpy somasy 1 mln teńgege jýyqtaǵan. Shetel azamaty aiyppuldaryn tólegenimen, bul ony ákimshilik jaýapkershilikten bosatpaǵan.
SQO politsiiasynyń málimetinshe, kei kúnderi ol jol erejesin 3-4 retke deiin buzǵan. Materialdardy rásimdeý kezinde politsiia qyzmetkerlerine agressivti minez-qulyq kórsetken.
