بٷگٸن استاناداعى بيزنەس-فورۋمدا سٶز سٶيلەگەن ەستونييا پرەمەر-مينيسترٸ يۋري راتاس قازاقستانمەن اراداعى ىنتىماقتاستىقتىڭ كەلەشەگٸنە توقتالدى. سونىمەن قاتار, ول قازاقستان ٷكٸمەتٸنٸڭ باسشىسى باقىتجان ساعىنتاەۆپەن ەكٸجاقتى كەزدەسۋدەگٸ ەڭگٸمەسٸن دە ەرەكشە اتاپ ٶتتٸ, دەپ حابارلايدى قازاقپارات تٸلشٸسٸ.
«بٸرٸنشٸدەن, بٷگٸن قازاقستان پرەمەر-مينيسترٸمەن ەكٸجاقتى كەزدەسۋٸم ٶتە تيٸمدٸ ەرٸ جەمٸستٸ بولعانىن اتاپ ٶتكٸم كەلەدٸ. بٸز قازاقستان مەن ەستونييا ىنتىماقتاستىعىنىڭ تٷرلٸ اسپەكتٸلەرٸن تالقىلادىق. تسيفرلاندىرۋ, بٸلٸم بەرۋ مەن اۋىل شارۋاشىلىعى تۋرالى ەڭگٸمەلەستٸك. سونىمەن قاتار, قازاقستان مەن ەستونييا اراسىنداعى قارىم-قاتىناستار باعىتىنداعى «بٸر بەلدەۋ, بٸر جول» باستاماسى تۋرالى دا سٶز قوزعادىق. ەلبەتتە, ەستونييا بۇل باستاماعا قاتىسۋعا قىزىعۋشىلىق بٸلدٸرەدٸ, ٶيتكەنٸ بۇل ەكٸ ەلدٸ تەمٸرجولدار ارقىلى بايلانىستىرادى», - دەپ اتاپ ٶتتٸ يۋ. راتاس بيزنەس-فورۋم بارىسىندا.
ونىڭ ايتۋىنشا, قازاقستان مەن ەستونييانىڭ ىنتىماقتاستىعى كەلەشەك قارىم-قاتىناستار ٷشٸن دە زور ەلەۋەتكە يە.
«18 ملن حالقى بار قازاقستان ٶتە ٷلكەن ەل, مۇناي كەن ورىندارىنا دا باي, ماڭىزدى ساۋدا بايلانىستارىنا دا يە. ەستونييا حالىق سانى از, شاعىن مەملەكەت. وسىنداي ەرتٷرلٸ ايىرماشىلىقتارىمىز بولعانىنا قاراماستان, بٸزدٸڭ ورتاق مٷددەلەرٸمٸز دە بارشىلىق. ەكٸجاقتى ەكونوميكالىق ٶزارا بايلانىستى كەڭەيتۋگە مٷمكٸندٸگٸمٸز مول, بۇلار ەسٸرەسە IT, كٶلٸك, لوگيستيكا, اۋىل شارۋاشىلىعى جەنە ەكولوگييالىق تەحنولوگييالار, قالدىقتاردى باسقارۋ سالالارىندا باسىمدىققا يە دەپ ويلايمىن. بۇل باعىتتاعى تٸزٸم ۋاقىتى كەلگەن سايىن كەڭەيە تٷسەدٸ دەگەن سەنٸمدەمٸن», - دەدٸ ەستونييانىڭ ٷكٸمەت باسشىسى.
سٶز اراسىندا مەرتەبەلٸ مەيمان Astana Hub-تى ارالاپ كٶرگٸسٸ كەلەتٸنٸن دە جەتكٸزدٸ.
«مەن قازاقستان ٷكٸمەتٸنٸڭ جەكە سەكتورمەن بٸرلەسە وتىرىپ مەيلٸنشە سارالانعان جەنە زاماناۋي ەكونوميكالىق مودەل باعىتىن قالىپتاستىرۋعا قاتىستى ٷلكەن ساياسي ەرٸك-جٸگەرٸن بايقاپ وتىرمىن. بۇل رەتتە ٶزگەرٸستەردٸ تەك ەكەلٸپ قانا قويماي, ونى ۇدايى قولداۋ قاجەتتٸگٸن دە تٷسٸنەمٸن. ەكٸنشٸ جاعىنان ەستونييا ەكونوميكاسى دا ەڭبەكتٸ كٶپ قاجەت ەتەتٸن يندۋسترييادان كاپيتالدى قاجەت ەتەتٸن يندۋستريياعا ترانسفورماتسييالاۋ پروتسەسٸنەن ٶتٸپ جاتىر. ەلبەتتە بۇل دەستٷرلٸ يندۋسترييا قۇرىپ كەتەدٸ دەگەن سٶز ەمەس, كەرٸسٸنشە, بۇل ولاردىڭ تسيفرلاندىرۋدى, اۆتوماتتاندىرۋ مەن جاڭا تەحنولوگييالاردى قولدانا وتىرىپ بۇرىنعىدان دا تيٸمدٸ بولا تٷسەتٸنٸن قاراستىرادى», - دەدٸ يۋ. راتاس.
ەسكە سالا كەتسەك, بٷگٸن ەلوردادا Digital Bridge حالىقارالىق يننوۆاتسييالىق فورۋم ٶتٸپ جاتىر.
