يەمەننٸڭ وڭتٷستٸك-باتىسىنداعى ادەن ەۋەجايىندا سەرسەنبٸ كٷنٸ بولعان بٸرنەشە جارىلىس پەن اتىستان كەمٸندە 27 ادام قازا تاپتى, ونداعان ادام جاراقاتتاندى. بۇل تۋرالى يەمەن ٷكٸمەتٸنە سٸلتەمە جاساعان Al Hadath باسىلىمى حابارلادى.
باسىلىم دەرەككٶزدەرٸنٸڭ ايتۋىنشا, جاراقات العانداردىڭ اراسىندا مينيستر ورىنباسارى سيياقتى لاۋازىمداعى ادامدار دا بار. كەي دەرەكتەرگە قاراعاندا, ەۋەجايدا بٸرنەشە جارىلىس بولعان, عيماراتتى مينومەتپەن اتقىلاعان.
وقيعا يەمەننٸڭ جاڭا ٷكٸمەتٸنٸڭ مٷشەلەرٸ ساۋد ارابيياسىنان ەلگە ورالىپ, ەۋەجايعا قونىپ جاتقان سەتتە بولدى. بەينەكادرلاردان ەۋەجايدا ادامداردىڭ ەبٸگەرگە تٷسكەنٸ, عيماراتتىڭ ٷستٸنەن تٷتٸن شىعىپ جاتقانى بايقالادى. ەزٸرگە جارىلىسقا جاۋاپكەرشٸلٸكگٸ ەشكٸم موينىنا العان جوق.
يەمەن سپورت مينيسترٸنٸڭ ورىنباسارى حامزا ەل-كامالي بۇل شابۋىلدى حۋسيت جاساقتارى ۇيىمداستىرعان بولۋى مٷمكٸن دەگەن بولجام ايتتى.
جەلتوقساندا يەمەن پرەزيدەنتٸ ابد راببو مانسۇر حادي ەلدٸڭ جاڭا ٷكٸمەتٸن قۇرۋ تۋرالى جارلىق شىعارعان. يەمەندەگٸ قارۋلى قاقتىعىس 2014 جىلعى ناۋرىزدان بەرٸ جٷرٸپ جاتىر. ساۋد ارابيياسى باستاعان اراب كواليتسيياسى ەلدٸڭ بٸر بٶلٸگٸن باقىلاۋدا ۇستاپ وتىرعان حۋسيتتەرمەن كٷرەستە ابدا راببو مانسۇر حاديدٸڭ ەسكەرٸنە قولداۋ بٸلدٸرٸپ كەلەدٸ. باتىستا بٷلٸكشٸلەردٸ يران قولداپ وتىر دەگەن بولجام بار.
ساۋد ارابيياسىنىڭ قولداۋىمەن ٶتكەن ۇزاققا سوزىلعان بيلٸكتٸ بٶلٸسۋ جٶنٸندەگٸ كەلٸسسٶزدەردەن سوڭ يەمەننٸڭ جاڭا ٷكٸمەتٸ 26 جەلتوقساندا انت قابىلداعان.
