تامىز ايىنىڭ بٸرٸنشٸ ونكٷندٸگٸندە رەسەيدٸڭ ياكۋتييا ايماعىنداعى ورمان ٶرت تٷتٸنٸ قازاقستاننىڭ سولتٷستٸك-شىعىس ٶڭٸرلەرٸنە تارادى. بۇل تۋرالى قازگيدرومەت حابارلادى.
«تامىز ايىنىڭ بٸرٸنشٸ ونكٷندٸگٸنٸڭ ورتاسىنان باستاپ, باتىس سٸبٸردٸڭ ٷستٸندە بيٸك تسيكلون ورنالاستى. بۇل ورمان ٶرتٸ بولىپ جاتقان ياكۋتييا ايماقتارىنان باتىس سٸبٸردٸڭ وڭتٷستٸگٸنە اۋا ماسساسىن تاسىمالداۋعا ىقپال ەتتٸ. بۇدان ەرٸ ورمان ٶرتتەرٸنەن تٷتٸن پەردەسٸنٸڭ شلەيفٸ قازاقستاننىڭ سولتٷستٸك-شىعىس ٶڭٸرلەرٸنە بٸرتٸندەپ تارالدى. سونىمەن قاتار جەرگٸلٸكتٸ دالا ٶرتٸ (شقو) اتموسفەرالىق اۋا ساپاسىنىڭ ناشارلاۋىنا قوسىمشا ىقپال ەتتٸ», - دەلٸنگەن قازگيدرومەت حابارلاماسىندا.
2021 جىلدىڭ 9-10 تامىزىندا شىعىس قازاقستان وبلىسىنىڭ اۋماعىندا اتموسفەرالىق اۋادا شەكتٸ رۇقسات ەتٸلگەن نورمادان اسىپ كەتۋ جاعدايلارى تٸركەلگەن.
