Tamyz aiynyń birinshi onkúndiginde Reseidiń Iakýtiia aimaǵyndaǵy orman órt tútini Qazaqstannyń soltústik-shyǵys óńirlerine tarady. Bul týraly Qazgidromet habarlady.
«Tamyz aiynyń birinshi onkúndiginiń ortasynan bastap, Batys Sibirdiń ústinde biik tsiklon ornalasty. Bul orman órti bolyp jatqan Iakýtiia aimaqtarynan Batys Sibirdiń ońtústigine aýa massasyn tasymaldaýǵa yqpal etti. Budan ári orman órtterinen tútin perdesiniń shleifi Qazaqstannyń soltústik-shyǵys óńirlerine birtindep taraldy. Sonymen qatar jergilikti dala órti (ShQO) atmosferalyq aýa sapasynyń nasharlaýyna qosymsha yqpal etti», - delingen Qazgidromet habarlamasynda.
2021 jyldyń 9-10 tamyzynda Shyǵys Qazaqstan oblysynyń aýmaǵynda atmosferalyq aýada shekti ruqsat etilgen normadan asyp ketý jaǵdailary tirkelgen.
