حالىقارالىق ٸزدەۋدە جٷرگەن بلوگەر قايسار قامزانىڭ قازاقستانعا جەتكٸزٸلٸپ جاتقان بولۋى مٷمكٸن. بۇل تۋرالى جۋرناليست ميحايل كوزاچكوۆ ٶزٸنٸڭ Telegram-ارناسىندا جازدى, دەپ حابارلايدى ult.kz.
كوزاچكوۆتىڭ مەلٸمەتٸنشە, وعان وقىرماندار ۆەتنامداعى كامران ەۋەجايىنان تٷسٸرٸلگەن فوتوسۋرەتتەردٸ جولداعان. جازبا اۆتورى سۋرەتتەردە قايسار قامزاعا ۇقساس ادامنىڭ قازاقستانعا ورالىپ بارا جاتقانىن, ونىڭ جانىنداعى ەر ادام قارجىلىق مونيتورينگ اگەنتتٸگٸنٸڭ (افم) قىزمەتكەرٸ بولۋى مٷمكٸن ەكەنٸن ايتقان.
قايسار قامزا Instagram جەلٸسٸندە ەكٸ ميلليوننان استام وقىرمان جيناپ, كەيٸن زاڭسىز جارنامادان تابىس تاپقانى, ونىڭ ٸشٸندە قازاقستاندا تىيىم سالىنعان ونلاين-كازينونى جابىق Telegram-ارناسى ارقىلى جارنامالاعانى ايتىلعان. زاڭسىز كازينو شەتەلدٸك Pin-Up بۋكمەكەرلٸك برەندٸ ارقىلى جۇمىس ٸستەگەنٸمەن, پايدالانۋشىلاردى رۋلەتكا مەن باسقا دا تىيىم سالىنعان قۇمار ويىندار ۇسىنىلعان سايتتارعا باعىتتاپ وتىرعان. قايسار قامزا وسى ٷشٸن قوماقتى سىياقى الىپ, بلوگەردٸڭ كريپتوۆاليۋتالىق ەميياندارىنان شامامەن 200 مىڭ اقش دوللارى انىقتالعان. كوزاچكوۆ بۇل سحەمانى ەلەۋمەتتٸك جەلٸلەردەگٸ تانىمال تۇلعالار دا جارنامالاعانىن ايتادى.
جازبادا قىلمىستىق سحەما ەشكەرەلەنگەننەن كەيٸن قايسار قامزانىڭ وڭتٷستٸك-شىعىس ازيياعا كەتكەنٸ, ال 2026 جىلدىڭ سەۋٸر ايىندا قازاقستان باس پروكۋراتۋراسىنىڭ سۇراۋى بويىنشا ۆەتنامدا ۇستالعانى ايتىلعان.
سونىمەن قاتار, كوزاچكوۆ Pin-Up ٸسٸ بويىنشا ۋكراينا ازاماتتارى دميتريي درۋجينسكى مەن مارينا لەۆكوۆيچ-گينزبۋرگتٸڭ دە حالىقارالىق ٸزدەۋدە جٷرگەنٸن ەسكە سالدى. تەرگەۋ نۇسقاسىنا سەيكەس, ولار قازاقستانداعى جۇمىستى ۇيىمداستىرعان. ال بۋكمەكەرلٸك كەڭسە مەن ونلاين-كازينونىڭ تٷپكٸ بەنەفيتسيارلارى رەتٸندە رەسەي ازاماتى دميتريي پۋنين مەن ۋكراينا ازاماتى مارينا يلينا اتالادى. جۋرناليستٸڭ جازۋىنشا, ولار كيپردە تۇراقتى تۇرادى.
ميحايل كوزاچكوۆ اتالعان تۇلعالار دا قازاقستاندا سوت الدىندا جاۋاپ بەرە مە دەگەن سۇراق قويعان.
ايتا كەتەيٸك, بۇل اقپارات ميحايل كوزاچكوۆتىڭ Telegram-ارناسىندا جارييالانعان مەلٸمەتكە نەگٸزدەلگەن. رەسمي ورگاندار ەزٸرگە قايسار قامزانىڭ قازاقستانعا ەكستراديتسييالانعانى جٶنٸندە رەسمي اقپارات تاراتقان جوق.
