وڭتٷستٸك كورەيادا ٶندٸرٸلگەن ارتيللەرييالىق سناريادتار ۆاشينگتون مەن سەۋل اراسىندا جاسالعان ەرەكشە كەلٸسٸم اياسىندا ۋكرايناعا بەرٸلەدٸ. بۇل جٶنٸندە اق ٷيدەگٸ دەرەككٶزگە سٷيەنگەن Wall Street Journal باسىلىمى جازدى, دەپ حابارلايدى ازاتتىق.
گازەتتٸڭ اقپاراتىنا قاراعاندا, اقش وڭتٷستٸك كورەيادان 155 ميلليمەترلٸك گاۋبيتساعا ارنالعان 100 مىڭ سنارياد ساتىپ الادى. مامانداردىڭ ايتۋىنشا, بۇل بٸرنەشە اپتا قىزۋ شايقاس جٷرگٸزگەنگە جەتەدٸ. مۇنداي كەلٸسٸم كيەۆكە قارۋ-جاراق تاسىمالداۋدان جارييا تٷردە باس تارتقان سەۋلدٸڭ ۇستانىمىنا قايشى كەلمەيدٸ. وڭتٷستٸك كورەيا بٸر مەزەتتە وق-دەرٸ قورى جىلدام سارقىلىپ بارا جاتقان وداقتاسى اقش-قا قول ۇشىن سوزىپ وتىر.
باسىلىمنىڭ مەلٸمەتٸنشە, ەكٸ ەلدٸڭ قورعانىس مينيسترلەرٸ اراسىندا كەلٸسٸم جاسالعان. بۇعان دەيٸن سولتٷستٸك كورەيانىڭ رەسەيگە ارتيللەرييالىق سناريادتار تاسىمالداعانى بەلگٸلٸ بولعان. بۇل رەسەيدٸڭ دە, اقش-تىڭ ەسكەري-يندۋسترييالىق بازا مٷمكٸندٸگٸ شەكتەلگەندٸگٸنەن حابار بەرەدٸ.
قىركٷيەكتە پولشا وڭتٷستٸك كورەيامەن قۇنى شامامەن 6 ملرد دوللار بولاتىن كەلٸسٸمگە قول قويىپ, قۇجات اياسىندا تانك, گاۋبيتسا, زىمىران جٷيەلەرٸنە قول جەتكٸزگەن. مۇنداي كەلٸسٸمنٸڭ ارقاسىندا ۆارشاۆا ٶز ارميياسىنىڭ ەسكەري قۋاتىن ساقتاي وتىرىپ, ۋكرايناعا قارۋ-جاراق جەتكٸزە الادى.
سەۋل بۇعان دەيٸن ۋكرايناعا وق ٶتپەيتٸن كەۋدەشەلەر, كاسكالار مەن دەرٸ-دەرمەك جٸبەرگەن. رەسەيمەن جاقسى قارىم-قاتىناسىن ساقتاعىسى كەلگەن سەۋل كيەۆكە قارۋ-جاراق بەرمەيتٸنٸن ايتقان.
