جەكە دەرەكتەردٸ قورعاۋ ماقساتىندا ٸشكٸ ٸستەر مينيسترلٸگٸ WhatsApp مەسسەندجەرٸندەگٸ اككاۋنتتارعا رۇقساتسىز كٸرۋ جاعدايلارى تٸركەلٸپ جاتقانىن ەسكەرتەدٸ, دەپ حابارلايدى Polisia.kz-كە سٸلتەمە جاساپ ult.kz.
اككاۋنتتىڭ قاۋٸپسٸزدٸگٸن كٷشەيتۋ ٷشٸن قر ٸٸم ەكٸ ساتىلى تەكسەرۋدٸ قوسۋدى ۇسىنادى. ول ٷشٸن WhatsApp قوسىمشاسىن اشىپ, «باپتاۋلار» بٶلٸمٸنە كٸرٸڭٸز. ودان كەيٸن «اككاۋنت», «ەكٸ ساتىلى تەكسەرۋ» بٶلٸمٸن تاڭداپ, «قوسۋ» باتىرماسىن باسىڭىز. التى تاڭبالى PIN-كود ورناتىپ, اككاۋنتقا كٸرۋ مٷمكٸندٸگٸن قالپىنا كەلتٸرۋ ٷشٸن ەلەكتروندىق پوشتا مەكەنجايىن كٶرسەتٸڭٸز. ورناتىلعان PIN-كودتى ەشكٸمگە ايتپاڭىز.
سونداي-اق اككاۋنتقا قوسىلعان قۇرىلعىلاردى ٷنەمٸ تەكسەرٸپ وتىرۋ قاجەت. ول ٷشٸن جوعارعى وڭ جاق بۇرىشتاعى ٷش نٷكتە بەلگٸسٸن باسىپ, «بايلانىستىرىلعان قۇرىلعىلار» بٶلٸمٸنە كٸرٸپ, تٸزٸمدٸ قاراپ شىعىڭىز. بەيتانىس قۇرىلعى انىقتالسا, ونى تاڭداپ, «شىعۋ» باتىرماسىن باسىپ, وعان بەرٸلگەن قولجەتٸمدٸلٸكتٸ ٶشٸرٸڭٸز.
اككاۋنتتىڭ بۇزىلعان بولۋى مٷمكٸن ەكەنٸن مىنا بەلگٸلەردەن بايقاۋعا بولادى:
– بەلگٸسٸز قۇرىلعىلاردىڭ اككاۋنتقا قوسىلۋى;
– سٸزدٸڭ قاتىسۋىڭىزسىز حابارلامالاردىڭ جٸبەرٸلۋٸ;
– تانىستارىڭىزدىڭ سٸزدٸڭ اتىڭىزدان كٷمەندٸ ٶتٸنٸشتەر كەلگەنٸن حابارلاۋى;
– ٶزٸڭٸز سۇراتپاعان راستاۋ كودى بار SMS-حابارلامانىڭ كەلۋٸ;
– اككاۋنتتان ٶزدٸگٸنەن شىعىپ قالۋ.
راستاۋ كودتارىن ٷشٸنشٸ تۇلعالارعا بەرمەڭٸز, كٷمەندٸ سٸلتەمەلەرگە ٶتپەڭٸز جەنە بەيتانىس ادامداردىڭ نۇسقاۋىمەن بٶگدە قوسىمشالاردى ورناتپاڭىز.
اككاۋنتتىڭ بۇزىلعانىن كٶرسەتەتٸن بەلگٸلەر انىقتالعان جاعدايدا ونى قورعاۋ ٷشٸن دەرەۋ شارالار قابىلداپ, قۇقىق قورعاۋ ورگاندارىنا جٷگٸنۋ قاجەت.
WhatsApp-تا رۇقساتسىز ەرەكەتتەر انىقتالعان جاعدايدا «بايلانىستىرىلعان قۇرىلعىلار» بٶلٸمٸندەگٸ بارلىق بەلسەندٸ سەانستاردى دەرەۋ اياقتاپ, ەكٸ ساتىلى تەكسەرۋ PIN-كودىن ٶزگەرتٸڭٸز. سونداي-اق اككاۋنتتىڭ بۇزىلۋى مٷمكٸن ەكەنٸن ٶز بايلانىستارىڭىزعا ەسكەرتٸڭٸز.
قر ٸٸم سمارتفون مەن كومپيۋتەردٸ زيياندى باعدارلامالاردىڭ بار-جوعىنا تەكسەرۋدٸ, سونداي-اق SMS نەمەسە مەسسەندجەر ارقىلى كەلگەن راستاۋ كودتارىن ٷشٸنشٸ تۇلعالارعا بەرمەۋدٸ ۇسىنادى.
قر ٸٸم ەسكەرتەدٸ: ەگەر تانىسىڭىزدان اقشا اۋدارۋدى شۇعىل سۇراعان حابارلاما كەلسە, مٸندەتتٸ تٷردە وعان تەلەفون ارقىلى نەمەسە باسقا جولمەن حابارلاسىپ, بۇل حابارلامانى شىنىمەن اككاۋنت يەسٸ جٸبەرگەنٸنە كٶز جەتكٸزٸڭٸز.
