9 جەلتوقساندا بٷكٸلەلەمدٸك دوپينگكە قارسى اگەنتتٸكتٸڭ (WADA) اتقارۋ كوميتەتٸ رەسەيدٸ تٶرت جىلعا وليمپيادا ويىندارى مەن ەلەم چەمپيوناتتارىنان شەكتەۋدٸ ۇسىندى.
WADA ۇسىنىسىنا ساي, رەسەي وسى ارالىقتا حالىقارالىق جارىستار ۇيىمداستىرا المايدى.
«كوميتەتتٸڭ بۇل ۇسىنىسى بٸر اۋىزدان ماقۇلداندى» دەپ مەلٸمدەدٸ WADA.
رەسەي انتيدوپينگ اگەنتتٸگٸنٸڭ باسشىسى يۋريي گانۋس رەسەيلٸك اقپارات اگەنتتٸكتەرٸنە WADA شەشٸمٸن راستادى.
WADA ۇسىنىسىنا ساي, رەسەي سپورتشىلارى 2020 جىلى ٶتەتٸن توكيو جازعى وليمپياداسىنا جەنە 2022 جىلعى پەكين قىسقى وليمپياداسىنا نەيترال ستاتۋسىندا قاتىسادى. ەگەر سپورتشى جەڭٸسكە جەتسە, رەسەي ەنۇرانى وينامايدى, ەل تۋى كٶتەرٸلمەيدٸ. بۇدان بٶلەك, رەسەيدٸڭ بارلىق رەسمي ٶكٸلدەرٸ مەن شەنەۋنٸكتەرٸ جارىستاردان شەتتەتٸلەدٸ.
WADA شەشٸمٸ تەك ۇسىنىس, بۇل قۇجاتتى حالىقارالىق وليمپيادا كوميتەتٸ (حوك), FIFA (بٷكٸلەلەمدٸك فۋتبول فەدەراتسيياسى) جەنە UEFA (ەۋروپا فۋتبول قاۋىمداستىعى) قابىلداماۋى دا مٷمكٸن.
رەسەي نە ٷشٸن جازالاندى?
WADA «رەسەي بيلٸگٸ 2014 جىلعى سوچي وليمپياداسىندا جەنە ەل اۋماعىندا ٶتكەن باسقا جارىستاردا رەسەيلٸك سپورتشىلاردىڭ دوپينگ سىنامالارىن الماستىردى» دەپ ايىپتايدى. دوپينگكە قارسى حالىقارالىق ۇيىم «رەسەي بيلٸگٸ دوپينگ ەرەجەلەرٸن بۇزۋعا اتسالىستى» دەپ سانايدى. مەسكەۋ بۇل ايىپتاۋلاردىڭ بارلىعىن جوققا شىعارادى.
2016 جىلى WADA ەسەپ جارييالاپ, «2014 جىلعى سوچي وليمپياداسىندا رەسەي سپورتشىلارى دوپينگ قولدانعان, ال رەسەيلٸك شەنەۋنٸكتەر ونى جاسىرعان» مەلٸمدەدٸ.
بۇدان بٶلەك, مەسكەۋ انتيدوپينگ زەرتحاناسىنىڭ بۇرىنعى جەتەكشٸسٸ گريگوريي رودچەنكو سوچي وليمپياداسىنان كەيٸن اقش-قا قاشىپ, سول جاقتا جۋرناليستەرگە رەسەيدٸڭ دوپينگ ەرەجەسٸن بۇزعانى جايلى سۇحبات بەرگەن.
رودچەنكو مەلٸمدەمەسٸندە سوچي وليمپياداسى كەزٸندە رەسەيلٸك سپورتشىلارعا دوپينگ بەرگەنٸن, زەرتحانا قىزمەتكەرلەرٸ دوپينگ اناليزدەرٸن «تازا» سىنامالارمەن اۋىستىرعانىن ايتقان.
WADA كەيٸن سوچي وليمپياداسىندا مەدال العان رەسەيلٸك 12 سپورتشىنىڭ دوپينگ سىنامالارى قايتا اشىلعانىن, سوچي پاراليمپياداسىنا قاتىسقان رەسەيلٸك التى اتلەتتٸڭ دوپينگ اناليزدەرٸنٸڭ الماستىرىلعانىن دەلەلدەگەن.
كرەمل بۇل دەرەكتەردٸڭ بەرٸن مويىنداماعان. رەسەي پرەزيدەنتٸ ۆلاديمير پۋتين WADA ەسەبٸن «قولدان جاسالعان» دەگەن.
WADA ەسەبٸنٸڭ نەگٸزٸندە رەسەي 2016 جىلى ريودا ٶتكەن پاراليمپيادا ويىندارىنان شەتتەتٸلگەن. ال 2018 جىلعى پحەنچحاندا (وڭتٷستٸك كورەيا) ٶتكەن قىسقى وليمپياداعا رەسەي سپورتشى «بەيتاراپ اتلەت ستاتۋسىندا» قاتىستى.
2018 جىلى WADA مەسكەۋ انتيدوپينگ زەرتحاناسىنىڭ دوپينگ سىنامالارىن دەرەكتەر بازاسىن تەكسەرٸپ, «مىڭداعان دوپينگ سىنامالارىنىڭ الماستىرىلعانىن» انىقتاعان. كرەمل بۇل تەكسەرۋگە دە ماردىمدى جاۋاپ بەرە المادى.
وسى تەكسەرٸستەن كەيٸن WADA رەسەيدٸ تاعى دا تٶرت جىلعا وليمپيادا مەن ەلەم چەمپيوناتتارىنان شەكتەۋدٸ ۇسىنىپ وتىر.
