قازاقستاندا كوروناۆيرۋس پاندەميياسىمەن كٷرەس جٶنٸندەگٸ «ەل ٷشٸن ەگٸلەمٸن» ازاماتتىق شتابىنىڭ مٷشەسٸ, اكۋشەر-گينەكولوگ ۆياچەسلاۆ لوكشيننٸڭ ايتۋىنشا, ەر ۆاكتسينا ادامعا سالىنباس بۇرىن جٸتٸ زەرتتەۋدەن ٶتكەن, دەپ حابارلايدى قازاقپارات.
«ٶكٸنٸشكە قاراي, حالىق اراسىندا كوروناۆيرۋس ۆاكتسيناسىنىڭ جٶندٸ تەكسەرٸلمەگەندٸگٸ, سىناقتان ٶتپەگەندٸگٸ جايلى سٶز تاراپ جٷر. ازاماتتاردى مۇنداي الىپ-قاشپا ەڭگٸمەلەرگە سەنبەۋگە شاقىرامىن. قانداي ۆاكتسينا بولماسىن ادامعا سالىنباس بۇرىن جٸتٸ زەرتتەۋدەن ٶتەدٸ. بەلگٸلٸ بٸر اۋرۋ تٷرٸنە ەكپە جاساۋ ۇزاق ۋاقىتتى قاجەت ەتپەيدٸ. مەسەلەن, ادەنوۆيرۋس ۆەكتورىنا نەگٸزدەلٸپ جاسالعان «سپۋتنيك V» ەكپەسٸندە COVID-19 ينفەكتسيياسىنىڭ بٶلشەكتەرٸ بار. ول ٶلٸ ۆيرۋس ادام اعزاسىنا تٷسكەن كەزدە انتيدەنە قالىپتاستىرادى», - دەدٸ ۆياچەسلاۆ لوكشين.
ۆاكتسينانى ەۋەلٸ جان-جاقتى سىناقتاردان ٶتكٸزەدٸ. جانۋارلارعا سالىپ, زەرتتەۋ جاسالادى. بەرٸ ويداعىداي بولىپ جاتسا, ەرٸكتٸ ازاماتتارعا ەگٸلٸپ, تەكسەرٸلەدٸ. تەك سودان كەيٸن عانا ۆاكتسينا جاپپاي حالىققا سالىنا باستالادى.
«بٷگٸنگٸ تاڭدا ەلەم بويىنشا 2 ملرد ادام كوروناۆيرۋسقا قارسى ۆاكتسينا العان. سوندىقتان ەل تۇرعىندارىن دا تاسادا قالماي, ٶزٸنٸڭ جەنە جاقىندارىنىڭ دەنساۋلىعى ٷشٸن دۇرىس شەشٸم قابىلداۋعا شاقىرامىن. تەك ەكپە ارقىلى عانا كوروناۆيرۋستى جەڭٸپ, بۇرىنعى ٶمٸرگە ورالا الامىز», - دەدٸ اكۋشەر-گينەكولوگ.
