Qazaqstanda koronavirýs pandemiiasymen kúres jónindegi «El úshin egilemin» azamattyq shtabynyń múshesi, akýsher-ginekolog Viacheslav Lokshinniń aitýynsha, ár vaktsina adamǵa salynbas buryn jiti zertteýden ótken, dep habarlaidy QazAqparat.
«Ókinishke qarai, halyq arasynda koronavirýs vaktsinasynyń jóndi tekserilmegendigi, synaqtan ótpegendigi jaily sóz tarap júr. Azamattardy mundai alyp-qashpa áńgimelerge senbeýge shaqyramyn. Qandai vaktsina bolmasyn adamǵa salynbas buryn jiti zertteýden ótedi. Belgili bir aýrý túrine ekpe jasaý uzaq ýaqytty qajet etpeidi. Máselen, adenovirýs vektoryna negizdelip jasalǵan «Spýtnik V» ekpesinde COVID-19 infektsiiasynyń bólshekteri bar. Ol óli virýs adam aǵzasyna túsken kezde antidene qalyptastyrady», - dedi Viacheslav Lokshin.
Vaktsinany áýeli jan-jaqty synaqtardan ótkizedi. Janýarlarǵa salyp, zertteý jasalady. Bári oidaǵydai bolyp jatsa, erikti azamattarǵa egilip, tekseriledi. Tek sodan keiin ǵana vaktsina jappai halyqqa salyna bastalady.
«Búgingi tańda álem boiynsha 2 mlrd adam koronavirýsqa qarsy vaktsina alǵan. Sondyqtan el turǵyndaryn da tasada qalmai, óziniń jáne jaqyndarynyń densaýlyǵy úshin durys sheshim qabyldaýǵa shaqyramyn. Tek ekpe arqyly ǵana koronavirýsty jeńip, burynǵy ómirge orala alamyz», - dedi akýsher-ginekolog.
