پرەمەر-مينيستردٸڭ ورىنباسارى ەرالى توعجانوۆ COVID-19 تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ وتىرىسىن ٶتكٸزدٸ. بۇل تۋرالى ٷكٸمەتتٸڭ باسپاسٶز قىزمەتٸ حابارلادى.
بٷگٸنگٸ كٷنٸ ينفەكتسييالىق تٶسەكتەردٸڭ تولىمدىلىعى 55%, رەانيماتسييالىق تٶسەكتەردٸڭ جٷكتەمەسٸ 47%-تٸ قۇرايدى. دەگەنمەن ەرالى توعجانوۆ بٸرقاتار ٶڭٸردە, اتاپ ايتقاندا نۇر-سۇلتان, شىمكەنت قالالارىندا, ماڭعىستاۋ, اتىراۋ, سولتٷستٸك قازاقستان وبلىستارىندا حالىقتى ۆاكتسينامەن قامتۋ بەلسەندٸلٸگٸنٸڭ تٶمەن ەكەنٸن اتاپ ٶتتٸ.
سونداي-اق اقمولا, ماڭعىستاۋ, اتىراۋ جەنە قوستاناي وبلىستارىندا تۇرعىن ٷي اۋلالارىن ارالاۋ ارقىلى حالىق اراسىندا ەكپە جۇمىستارىنىڭ ۇيىمداستىرىلماعانىن ايتتى. وسىعان بايلانىستى پرەمەر-مينيستردٸڭ ورىنباسارى انىقتالعان كەمشٸلٸكتەردٸ تٷزەتۋ بويىنشا تيٸستٸ شارالار قابىلداۋدى تاپسىردى.
سونىمەن قاتار مەملەكەتتٸك ورگاندارعا كەلەسٸدەي تاپسىرمالار بەرٸلدٸ:
2021-2022 جىلدارعا ارنالعان COVID-19-عا قارسى ٸس-قيمىل جٶنٸندەگٸ جەدەل ٸس-قيمىل جوسپارىن ەزٸرلەۋ;
قىزمەت كٶرسەتۋ سالاسىندا ۆاكتسينا الماعان قىزمەتكەرلەردٸ انىقتاۋ جٶنٸندەگٸ مونيتورينگتٸك توپتاردىڭ ٸس-قيمىل الگوريتمٸن بەكٸتۋ.
