Premer-ministrdiń orynbasary Eraly Toǵjanov COVID-19 taralýyna jol bermeý jónindegi vedomstvoaralyq komissiianyń otyrysyn ótkizdi. Bul týraly úkimettiń baspasóz qyzmeti habarlady.
Búgingi kúni infektsiialyq tósekterdiń tolymdylyǵy 55%, reanimatsiialyq tósekterdiń júktemesi 47%-ti quraidy. Degenmen Eraly Toǵjanov birqatar óńirde, atap aitqanda Nur-Sultan, Shymkent qalalarynda, Mańǵystaý, Atyraý, Soltústik Qazaqstan oblystarynda halyqty vaktsinamen qamtý belsendiliginiń tómen ekenin atap ótti.
Sondai-aq Aqmola, Mańǵystaý, Atyraý jáne Qostanai oblystarynda turǵyn úi aýlalaryn aralaý arqyly halyq arasynda ekpe jumystarynyń uiymdastyrylmaǵanyn aitty. Osyǵan bailanysty premer-ministrdiń orynbasary anyqtalǵan kemshilikterdi túzetý boiynsha tiisti sharalar qabyldaýdy tapsyrdy.
Sonymen qatar memlekettik organdarǵa kelesidei tapsyrmalar berildi:
2021-2022 jyldarǵa arnalǵan COVID-19-ǵa qarsy is-qimyl jónindegi jedel is-qimyl josparyn ázirleý;
qyzmet kórsetý salasynda vaktsina almaǵan qyzmetkerlerdi anyqtaý jónindegi monitoringtik toptardyń is-qimyl algoritmin bekitý.
