رەسەيلٸك تانىمال ەنشٸ ۆيتاستىڭ پروديۋسەرٸ قىتاي تەلەارناسىنا حات جازىپ, ديماش قۇدايبەرگەنوۆ ورىنداعان «وپەرا 2» ەنٸ ٷشٸن نارازىلىق بٸلدٸردٸ. بۇل تۋرالى قىتايدىڭ ەلەۋمەتتٸك جەلٸلەرٸ جازىپ جاتىر, دەپ حابارلايدى قازاقپارات.
ۆيتاستىڭ پروديۋسەرٸ سەرگەي پۋدوۆكيننٸڭ «ۆيبو» (قىتايلىق تۆيتتەر) ەلەۋمەتتٸك جەلٸسٸندەگٸ پاراقشاسىندا «پۋدوۆكين» پروديۋسەرلٸك ورتالىعىنىڭ حۋنان تەلەارناسىنا جازعان حاتىن جارييالادى. وندا اتالمىش تەلەارنانىڭ اۆتورلىق قۇقىق زاڭنامالارىن ساقتاماعاندىعى ايتىلعان.
«وپەرا 2» - رەسەيلٸك تانىمال ەنشٸ ۆيتاليي گوگۋنسكييدٸڭ اۆتورلىق ەنٸ. ەۋەنٸ دە, سٶزٸ دە ۆيتاسقا تيەسٸلٸ. ول 2000 جىلى بۇل ەندٸ تۇڭعىش رەت ورىنداپ, تانىمال بولدى. ۆيتاستىڭ بارلىق ەندەرٸنٸڭ قۇقىعى «پۋدوۆكين» پروديۋسەرلٸك ورتالىعىنىڭ مەنشٸگٸندە. حۋنان تەلەارناسى ۇيىمداستىرعان «Singer2017» ەن بايقاۋىندا قازاقستاندىق ەنشٸ ديماش قۇدايبەرگەنوۆ 28 قاڭتار كٷنٸ «وپەرا 2» ەنٸن ورىنداپ, بۇل تەلەارنا ارقىلى كەڭٸنەن تارالدى. بۇدان بٶلەك (ديماشتىڭ ەنٸ) ەر تٷرلٸ سايتتاردا كەڭٸنەن جٷكتەلٸپ, پايدالانىلۋدا. سونىمەن بٸرگە 30 قاڭتار كٷنٸ بۇل ەن «بٷكٸل ەلەمدٸك قىتايدىڭ كٶكتەم مەرەكەسٸندە» تاعى ورىندالىپ, تەلەارنا, ينتەرنەت ارقىلى تاعى تارالدى. ۆيتاس ەندەرٸ ەلەمنٸڭ كٶپ ەلدەرٸندە تارالعانىمەن پايدالانۋدا جەرگٸلٸكتٸ ورگاندار ارقىلى زاڭدىق قۇقىق قورعالادى. بۇل جولى حۋنان تەلەارناسى «پۋدوۆكين» پروديۋسەرلٸك ورتالىعىنىڭ زاڭدىق مٷددەسٸنە زالال كەلتٸردٸ», دەلٸنگەن حاتتا.
سونىمەن بٸرگە ۆيتاستىڭ پروديۋسەرلٸك ورتالىعى اتالمىش تەلەارناعا مىناداي تالاپتارىن جولداعان:
1. حاتتى العان سوڭ, 30 قاڭتار كٷنٸ «بٷكٸل ەلەمدٸك قىتايدىڭ كٶكتەم مەرەكەسٸندە» ايتىلعان «وپەرا 2» ەنٸنٸڭ تارالۋىن توقتاتۋ.
2. زاڭدى جولمەن رۇقسات الىنباعان جاعدايدا «وپەرا 2» ەنٸن ايتۋعا, پايدالانۋعا بولمايدى.
3. وسى حاتتى العاننان سوڭ, 7 كٷن ٸشٸندە بٸزبەن حابارلاسىپ, ورتاق شەشٸمگە كەلۋ. حات سوڭىندا «پۋدوۆكين» پروديۋسەرلٸك ورتالىعىنىڭ حۋنان تەلەارناسىمەن كەلٸسٸمشارت جاساۋعا دايىن ەكەندٸگٸ ايتىلعان.
