دەنساۋلىق ساقتاۋ ۆيتسە-مينيسترٸ اجار عينايات جاڭاجٷيە بويىنشا قانداي ساناتتاعى مەدتسينا ماماندارىنىڭ ٸندەتپەن كٷرەسكەنٸ ٷشٸن ٷستەمەاقى الاتىنىن اتادى, دەپ حابارلايدى قازاقپارات.
«بۇل مەسەلەنٸ مينيسترلٸك مەملەكەت باسشىسىنىڭ تاپسىرماسى بويىنشا پىسىقتاپ جاتىر. بٷگٸندە بۇيرىقتىڭ جوباسى دايىندالدى. ول بۇيرىق جوباسىندا ٷستەمەاقى الاتىن مەديتسينا ماماندارىنىڭ ساناتى كٶرسەتٸلگەن. بۇل بۇيرىقتىڭ جوباسى قازٸر ٶتە قىزۋ تالقىلانىپ جاتىر. مەديتسينا ۇيىمدارى مەن دەنساۋلىق ساقتاۋ باسقارمالارىنىڭ اسراسىندا عانا ەمەس, «اشىق نقا» بازاسىندا دا جارييالانعان», - دەدٸ مينيستردٸڭ ورىنباسارى.
سونداي-اق, ول جاڭا جٷيە بويىنشا COVID ستاتسيونارلارىندا جۇمىس ٸستەپ جٷرگەن دەرٸگەرلەردٸڭ بٸرنەشە ساتىسى بەلگٸلەنگەنٸن مەلٸم ەتتٸ.
«بۇل ساناتتار تٸزبەسٸ كەڭەيتٸلدٸ. ولار: دەرٸگەر-رەانيماتولوگتار, انەستەزيولوگتار, ينفەكتسيونيستەر, انەستەزيستەر, ەپيدەميولوگتار, پسيحولوگتار مەن باستاپقى مەديتسينالىق-سانيتارلىق كٶمەكتٸڭ ەلەۋمەتتٸك جۇمىسشىلارى, يادرولىق مەديتسينا ورتالىعىنىڭ قىزمەتكەرلەرٸ, پاتالوگاناتومدار. بۇل مامانداردى بٸز تٸزٸمگە ٶڭٸرلەردٸڭ ۇسىنىسى بويىنشا ەنگٸزدٸك. ٶزگە دە ۇسىنىستاردى كٷتٸپ وتىرمىز. ياعني مەسەلە ەلٸ تالقىلانىپ جاتىر», - دەدٸ اجار عينايات.
