Densaýlyq saqtaý vitse-ministri Ajar Ǵinaiat jańajúie boiynsha qandai sanattaǵy medtsina mamandarynyń indetpen kúreskeni úshin ústemeaqy alatynyn atady, dep habarlaidy QazAqparat.
«Bul máseleni ministrlik Memleket basshysynyń tapsyrmasy boiynsha pysyqtap jatyr. Búginde buiryqtyń jobasy daiyndaldy. Ol buiryq jobasynda ústemeaqy alatyn meditsina mamandarynyń sanaty kórsetilgen. Bul buiryqtyń jobasy qazir óte qyzý talqylanyp jatyr. Meditsina uiymdary men densaýlyq saqtaý basqarmalarynyń asrasynda ǵana emes, «Ashyq NQA» bazasynda da jariialanǵan», - dedi ministrdiń orynbasary.
Sondai-aq, ol jańa júie boiynsha COVID statsionarlarynda jumys istep júrgen dárigerlerdiń birneshe satysy belgilengenin málim etti.
«Bul sanattar tizbesi keńeitildi. Olar: dáriger-reanimatologtar, anesteziologtar, infektsionister, anestezister, epidemiologtar, psihologtar men bastapqy meditsinalyq-sanitarlyq kómektiń áleýmettik jumysshylary, Iadrolyq meditsina ortalyǵynyń qyzmetkerleri, pataloganatomdar. Bul mamandardy biz tizimge óńirlerdiń usynysy boiynsha engizdik. Ózge de usynystardy kútip otyrmyz. Iaǵni másele áli talqylanyp jatyr», - dedi Ajar Ǵinaiat.
