بٷگٸندە ەپيدەميولوگييالىق احۋال كٷردەلٸ ٶڭٸر – الماتىعا قىتايدان مەديتسينا ماماندارى كەلدٸ. شەتەلدٸك ساراپشىلار كوروناۆيرۋسپەن كٷرەستە تەجٸريبە بٶلٸسەدٸ, دەپ حابارلايدى قازاقپارات.
بٷگٸن پۋلمونولوگييا, ەپيدەميولوگييا, قوعامدىق دەنساۋلىق ساقتاۋ سالاسىنىڭ 10 بٸلٸكتٸ مامانى سانجار اسفەنديياروۆ اتىنداعى قازاق ۇلتتىق مەديتسينالىق ۋنيۆەرسيتەتٸنٸڭ ۇجىمىمەن, الماتى ەكٸمدٸگٸنٸڭ ٶكٸلدەرٸمەن, قر دسم ٶكٸلدەرٸمەن ۆيدەو كەزدەسۋ ٶتكٸزدٸ.
ونلاين رەجٸمدە ٶتكەن كەزدەسۋ بارىسىندا ۋنيۆەرسيتەت باسشىسى تالعات نۇرعوجين قىتايلىق دەرٸگەرلەرگە تەجٸريبەسٸمەن بٶلٸسكەنٸ ٷشٸن العىس بٸلدٸردٸ.
«بٸز قىتايلىق ەرٸپتەستەرٸمٸزدٸڭ كەلگەنٸنە قۋانىشتىمىز. سٸزدەردٸڭ تەجٸريبەلەرٸڭٸز بٸزدٸڭ ەلدەگٸ دەرتپەن كٷرەسكە سەپتٸگٸن تيگٸزەدٸ دەپ سەنەمٸز. سٸزدەردەن ەلدە دە دياگنوستيكا مەن ەمدەۋ تۋرالى ماعلۇمات بٸلگٸمٸز كەلەدٸ», - دەدٸ تالعات نۇرعوجين.
جيىن بارىسىندا قالالىق قوعامدىق دەنساۋلىقساقتاۋ باسقارماسىنىڭ باسشىسى تٸلەۋحان ەبٸلداەۆ قالاداعى ەپيدەميولوگييالىق احۋالدى بايانداپ بەردٸ.
«قازٸر الماتىدا كوروناۆيرۋستىڭ 525 جاعدايى تٸركەلگەن. 100 مىڭ ادامعا شاققاندا كٶرسەتكٸش 25,6% بولىپتۇر.
بايلانىستا بولعانداردىڭ 90%-نان ۆيرۋس تابىلدى. 85 ادام جازىلىپ شىققان. بۇل اۋىرعانداردىڭ شامامەن 16,6%-ى بولىپ تۇر. بٸرٸنشٸ جاعداي تٸركەلگەلٸ بەرٸ الماتىدا جۇعۋ دەڭگەيٸ 2-58 % ارالىعىندا بولىپ تۇر. كٶپشٸلٸگٸ 13,14 سەۋٸر كٷندەرٸ انىقتالعان. اۋرۋ كٶرسەتكٸشٸ تولقىندى تٷردە كٶرٸنٸس بەرٸپ كەلەدٸ. الماتىدا 6 زەرتحانادا پتسر تەسٸلٸمەن دياگنوستيكا جاسالىپ جاتىر. ولار كٷنٸنە 1500 زەرتحانالىق تالداۋ جاساي الادى. قالادا ينفەكتسييالىق ستاتسيونارلاردا 800 تٶسەك ورىن بار. قازٸر ولاردىڭ 54 %-ى عانا تولعان. 5 ادام قايتىس بولسا, 85 ادام جازىلىپ شىقتى. ونىڭ 4-ٸ بالا», - دەدٸ تٸلەۋحان ەبٸلداەۆ.
قىتايدان كەلگەن مەديتسينا ماماندارى الماتى دەرٸگەرلەرٸنٸڭ كوروناۆيرۋسپەن كٷرەس دەڭگەيٸن ٶتە جوعارى باعالادى.
ولار دياگنوستيكا مەن ەمدەۋ سالاسىنىڭ قاي وبلىستارىندا جۇمىستى كٷشەيتۋگە كەڭەس بەردٸ.
«الدىمەن بايلانىستا بولعان ادامداردى تاپ باسىپ انىقتاۋ كەرەك. دياگنوستيكالىق مٷمكٸندٸكتٸ كٷشەيتۋ كەرەك. الماتىدا جۇقتىرعان ادامداردىڭ تەڭ جارتىسى مەديتسينا ماماندارى ەكەن. ولاردى قورعانىس شارالارىنا ٷيرەتۋ كەرەك», - دەدٸ قىتايلىق ماماندار.
«ەرٸپتەستەرٸمنٸڭ پٸكٸرٸمەن كەلٸسەم. باس سانيتارلىق دەرٸگەردٸڭ تاپسىرماسىمەن قالاداعى بارلىق مەديتسينالىق مەكەمەلەر پروۆيزورلىق رەجٸمگە كٶشەدٸ. بارلىق مەديتسينا ماماندارى جەكە قورعانىس قۇرالدارىمەن قامتىلاتىن بولادى. سونىمەن قاتار, قر قورعانىس مينيسترلٸگٸنٸڭ گوسپيتالدەرٸن قوسقاندا تٶسەك ورىندى 1000 – عا جەتكٸزە الامىز. سونىمەن قاتار 280 ورىنعا ارنالعان مودۋلدٸ گوسپيتال سالىنىپ جاتىر. زەرتحانالاردا تالداۋ مٷمكٸندٸگٸن كٷنٸنە 3000 تەستكە جەتكٸزە الادى», - دەدٸ باسقارما باسشىسى ت.ەبٸلداەۆ.
قىتايلىق ماماندار ۆيدەوكونفەرەنتسييا سوڭىندا قازاقستاندىقتارعا ۆيرۋستى جەڭٸپ شىعۋعا تٸلەك بٸلدٸردٸ.
«ۆيرۋس شەكارانى بٸلمەيدٸ. ۆيرۋسپەن كٷرەستە بٸزدٸڭ دوستىعىمىز ايقىندالا تٷسپەك», - دەدٸ شەتەلدٸكتەر.
