بٷگٸن ەلورداداعى دوستىق ٷيٸندە قازاقستان كونستيتۋتسيياسى كٷنٸنە ارنالعان «تەۋەلسٸزدٸكتٸڭ 30 جىلدىعى – بٸرلٸكتٸڭ, بەيبٸتشٸلٸك پەن كەلٸسٸمنٸڭ 30 جىلدىعى» تاقىرىبىندا دٶڭگەلەك ٷستەل ٶتتٸ, دەپ حابارلايدى قازاقپارات.
«ەرينە, بيىل قازاقستان ٷشٸن ەرەكشە جىل, ەگەمەندٸگٸمٸزدٸڭ 30 جىلدىعىن اتاپ ٶتەمٸز. سونىمەن قاتار وسى ۋاقىتتا جەتكەن جەتٸستٸكتەرٸمٸزدٸ سارالاپ, الداعى جولدا قانداي ماقساتتارىمىز تۇرعىندىعىن ەسكە سالۋ ويمەن جينالىپ وتىرمىز. قازاقستان - ەرەكشە ەل. ەردايىم بٸز وسىنى ماقتانىشپەن ايتامىز. ەلٸمٸز تەۋەلسٸزدٸگٸن العاننان بەرٸ بٸرٸزدٸلٸك پەن رەفورمالار جولىن تاڭداپ, سونىڭ نەگٸزگٸ كونستيتۋتسييالىق قاعيداتتارىن سىرت قالدىرعان ەمەس», - دەدٸ ٸس-شارانى اشقان قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى ايگٷل سادۋاقاسوۆا.
دٶڭگەلەك ٷستەل بارىسىندا مەجٸلٸس دەپۋتاتتارى, قازاقستان حالقى اسسامبلەياسى ساراپتامالىق كەڭەسٸنٸڭ مٷشەلەرٸ, زييالى قاۋىم مەن ەتنومەدەني بٸرلەستٸكتەردٸڭ ٶكٸلدەرٸ قاتىستى.
مەجٸلٸس دەپۋتاتى ناتاليا دەمەنتەۆا ەلٸمٸزدەگٸ تٸلدٸك احۋالعا كەڭٸنەن توقتالدى.
«بٸزدٸڭ بٸر عانا وتانىمىز بار. ول – قازاقستان. ەلباسىمىزدان باستاۋ العان باستى قۇندىلىق ۇلتارالىق, ەتنوسارالىق كەلٸسٸمدٸ ساقتاپ, ەرٸ قاراي كەلەسٸ ۇرپاققا جەتكٸزۋ بٸزدٸڭ مٸندەتٸمٸز. ونى جوعالتۋعا حاقىمىز جوق. ٶيتكەنٸ, كەلەسٸ ۇرپاقتىڭ الدىندا جاۋاپ بەرەمٸز. سوندىقتان ۇلتارالىق تاتۋلىقتى ساقتاپ, مەملەكەتتٸك تٸلدٸ ٷيرەنٸپ, اقىرىن-اقىرىن سٶيلەي باستاۋىمىز كەرەك», - دەدٸ مەجٸلٸس دەپۋتاتى.
رەسەيدە تۋعانىمەن وتباسىلىق جاعدايعا بايلانىستى اتا-اناسىمەن جامبىل وبلىسىنا قونىس اۋدارعان ۆيكتورييا ترەگۋبوۆا ەلٸمٸزدە تٸلگە بايلانىستى كەمسٸتۋشٸلٸك جوق ەكەندٸگٸن ايتادى. تٸپتٸ, مەملەكەتتٸك تٸلدٸ جەتٸك بٸلگەن ٶزگە ۇلت ٶكٸلدەرٸنٸڭ قازاقتاردىڭ اراسىندا ابىرويلى ەكەندٸگٸنە نازار اۋدارتادى.
«قازاق تٸلٸن, قازاقتىڭ سالت-دەستٷرٸن بٸلگەندٸكتەن, سىيلاعاندىقتان بولار, ەشقاشان قىسىم كٶرگەن ەمەسپٸن. كەرٸسٸنشە, سىيلايدى, قۇرمەتتەيدٸ, دەرٸپتەيدٸ, ەرقاشان قولداۋ كٶرسەتەدٸ. سونى عانا ەلٸ كٷنگە دەيٸن كٶرٸپ كەلەمٸن. سوندىقتان ايتارىم, قازاق تٸلٸن بٸلگەنٸڭ سول ۇلتتىڭ تٸلٸن, سالت-دەستٷرٸن, حالقىن سىيلاعانىڭ. جالپى قازاق حالقى ەرقاشان دا ٶزگە ۇلت ٶكٸلدەرٸنە قوناقجايلىق تانىتادى. ەلٸ كٷنگە دەيٸن تٸلٸن بٸلمەسەڭ دە قامقورلىقپەن قارايدى. قازاق تٸلٸن ٷيرەنەمٸن دەسەڭٸز دە ەش قيىندىق جوق. بارلىق جاعداي جاسالعان, مەكتەپتەن باستاپ تەگٸن كۋرستار دا بار. نيەتٸ بار ادام مەملەكەتتٸك تٸلدٸ ٷيرەنٸپ الادى.», - دەدٸ ۆيكتورييا ترەگۋبوۆا.
