ۆەنگرييا مەن قىتاي بۋداپەشت پەن بەلگراد اراسىن جالعايتىن تەمٸر جول قۇرىلىسى جوباسىن قارجىلاندىرۋ تۋرالى كەلٸسٸمگە قول قويدى. 24 سەۋٸردە قارجى مينيسترٸ ميحالي ۆارگا ايتقان قىتايمەن كەلٸسٸم جىلدار بويى سوزىلىپ كەلگەن جوبانى جالعاستىرۋعا مٷمكٸندٸك بەرەدٸ.
بۇل - قىتايدىڭ "بٸر بەلدەۋ - بٸر جول" ٸرٸ ينفراقۇرىلىمدىق جوباسىنىڭ بٸر بٶلٸگٸ, ەۋرووداق ايماعىنداعى ەڭ ٸرٸ ينفراقۇرىلىم جوباسى.
ۆارگانىڭ ايتۋىنشا, 20 جىلعا بەرٸلەتٸن 1,855 ملرد دوللار كٶلەمٸندەگٸ نەسيەنٸڭ جىلدىق ٷستەماقىسى - 2,5 پايىز. جوبا شىعىنىنىڭ باسىم بٶلٸگٸن نەسيە جاپقانمەن بٸراز بٶلٸگٸن ۆەنگرييانىڭ ٶزٸ قارجىلاندىرادى.
تەمٸر جول قىتايعا گرەتسييادان ەۋروپانىڭ شىعىسىنا تاۋار تاسىمالداۋ ماقساتىن جٷزەگە اسىرۋعا كٶمەكتەسەدٸ دەپ ايتىلادى.
قىتاي, سەربييا جەنە ۆەنگرييا العاش رەت 2014 جىلى تەمٸر جول سالۋ تۋرالى مەموراندۋمعا قول قويعان. سەربييا قىتايدان 297,6 ملن دوللار قارىز الىپ, 2018 جىلى جوبانى باستاعان.
كەيبٸر ساراپشىلاردىڭ پٸكٸرٸنشە, قىتاي ساياسي ىقپالىن ارتتىرۋ ٷشٸن ٸرٸ ينفراقۇرىلىم جوبالاردى قارجىلاندىرىپ, نەسيە ۇسىنادى.
دەرەك بويىنشا, 2007-2017 جىلدار ارالىعىندا شىعىس ەۋروپا مەن ورتالىق ەۋروپا ەلدەرٸنە سالىنعان قىتاي ينۆەستيتسيياسىنىڭ كٶلەمٸ 13,5 ميلليارد دوللارعا جەتكەن. ساراپشىلار كٸشٸگٸرٸم ەلدەردٸڭ قىتاي نەسيەسٸن الىپ, قارىزعا باتۋىنىڭ قاۋٸپتٸ سالدارى بولۋى مٷمكٸن دەپ سانايدى.
