ۆەنەسۋەلا بيلٸگٸ ەلگە جان-جاقتان كەلٸپ جاتقان گۋمانيتارلىق كٶمەكتەردەن باس تارتىپ جاتىر. اقش, برازيلييا, كولۋمبييادان كەلگەن جٷك كٶلٸكتەرٸ شەكارادا توقتاتىلعان. وپپوزيتسييالىق ليدەر حۋانا گۋايدونى قولدايتىن اقش بيلٸگٸ 20 ملن دوللار كٶلەمٸندە قاراجات بٶلگەن.
الايدا, شەكاراداعى قاقتىعىستارعا قاراماستان, ۆەنەسۋەلا بارلىق كٶمەكتەن باس تارتىپ جاتقان جوق. مادۋرو جاقىندا عانا كاراكاسقا جەتكٸزٸلگەن, 300 توننا كٶلەمٸندەگٸ كٶمەك ٷشٸن رەسەيگە العىس ايتتى.
مەملەكەت باسشىسى مادۋرو اقش كٶمەگٸ ونىڭ بيلٸگٸن قۇلاتۋعا باعىتتالعانىن ايتتى. اقش-تان تاماق, دەرٸ-دەرمەك, گيگيەنالىق زاتتار سۇراعان حۋانا گۋايدو ٶزٸن اقپان ايىندا ۆەنەسۋەلانىڭ ۋاقىتشا پرەزيدەنتٸ دەپ جارييالاعان بولاتىن.
ٶتكەن اپتادا نيكولاس مادۋرو رەسەي ەلٸ جٶنەلتكەن 300 توننا تاماق, دەرٸ-دەرمەك 20 اقپاندا ەلگە جەتەدٸ دەپ حابارلاعان.
الايدا ددسۇ-مەن تىعىز بايلانىستاعى پانامەريكالىق دەنساۋلىق ساقتاۋ ۇيىمى 21 اقپاندا ۆەنەسۋەلاعا رەسەيدەن 7,5 توننا زات جەتكٸزٸلگەنٸن ايتتى. دەل مۇنداي كٶمەك 2018 جىلدىڭ سەۋٸرٸندە دە جەتكٸزٸلگەن.
دٷنيەجٷزٸلٸك دەنساۋلىق ساقتاۋ ۇيىمى ٶتكەن جىلى 50 توننا شەت ەلدٸك گۋمانيتارلىق كٶمەكتٸ تەكسەرٸستەن ٶتكٸزگەن ەدٸ. ۆەنەسۋەلاداعى ۇيىمدار ەلدە دەرٸ-دەرمەك پەن مەديتسينالىق زاتتار تاپشى دەيدٸ. ۆەنەسۋەلا فارماتسەۆتيكالىق فەدەراتسيياسى دەرٸ-دەرمەكتٸڭ 85%-ى جوق ەكەنٸن مەلٸمدەدٸ.
بٸرٸككەن ۇلتتار ۇيىمىنىڭ مەلٸمەتٸنە سٷيەنسەك, ۆەنەسۋەلاعا 2018 جىلى 24 ملن دوللار كٶلەمٸندە گۋمانيتارلىق كٶمەك كٶرسەتٸلگەن. بۇنىڭ ٸشٸنە بۇۇ جيناعان 9 ملن دوللار دا كٸرەدٸ. وسى جىلى بۇۇ ارقىلى ۆەنەسۋەلا 15 ملن دوللار العان.
سونىمەن قاتار 2018 جىلى ەۋروپالىق كوميسسييا ۆەنەسۋەلاداعى ەڭ ٸرٸ دونورلاردىڭ بٸرٸ بولدى. ول 2016 جىلدان بەرٸ كريزيسكە تاپ بولعان ەلگە گۋمانيتارلىق كٶمەك بەرۋمەن كەلەدٸ.
ەۋروپالىق وداق جەرگٸلٸكتٸ حالىققا بەرٸلەتٸن تاماق, سۋ, گيگيەنالىق جەنە سانيتارلىق زاتتارعا قاتىستى پروەكتپەن اينالىسادى. ٶتكەن جىلى ماۋسىم ايىندا ەۋروپالىق وداق 35 ملن ەۋرو, جەلتوقسان ايىندا تاعى 20 ملن ەۋرو, ال بيىل قوسىمشا تاعى 5 ملن ەۋرو قاراجات بٶلگەن.
سالتانات شىنەدٸل
