ۆاكتسينا الىپ, قايتا كوروناۆيرۋس جۇقتىرعانداردىڭ ٶكپەسٸ نەگە جيٸ زاقىمدانادى? ورتالىق كوممۋنيكاتسييالار قىزمەتٸندە ٶتكەن بريفينگٸدە جوعارى ساناتتى ينفەكتسيونيست دەرٸگەر, مەديتسينا عىلىمدارىنىڭ كانديداتى سەۋلە اتىعاەۆاعا وسىنداي ساۋال قويىلدى, دەپ حابارلايدى قازاقپارات.
«شىنىندا دا, ناۋقاستار اراسىندا ۆاكتسينا العاندار بار. ەزٸرگە ولاردىڭ ٷلەسٸ ٶتە تٶمەن. ستاتسيونارعا تٷسكەندەر تٸپتٸ, ساۋساقپەن سانارلىق. ۆاكتسيناتسييادان كەيٸن ناۋقاستار ۆيرۋستى ورتاشا اۋىر ٶتكٸزەدٸ. ٶكپەنٸڭ زاقىمدانۋى دا مينيمالدى – 4, 5, 10% عانا. ولار رەانيماتسيياعا تٷسپەگەنٸن دە ايتۋ كەرەك. ستاتسيوناردا ەمدەلۋ مەرزٸمٸ دە ەكپە الماعاندارعا قاراعاندا ەلدەقايدا قىسقا», - دەدٸ مامان.
سونداي-اق, ول ۆاكتسينا الىپ, قايتا ۆيرۋس جۇقتىرعانداردىڭ كٶبٸ انتيدەنە قالىپتاسپاي جاتىپ ۆيرۋسقا تاپ كەلگەندەر ەكەنٸن تٷسٸندٸردٸ.
«ەگەر ۆاكتسينا العاننان كەيٸن ەكٸ-ٷش اپتا ٸشٸندە اعزاعا ۆيرۋس تٷسسە, ينفەكتسييا ٶرشۋٸ مٷمكٸن. ۆيرۋس شىرىشتى قابىقتاردان ٶكپە تٸنٸنە, سول ارقىلى باسقا ورگاندار مەن جٷيەلەرگە ەنۋٸ ىقتيمال. سوندىقتان ەر جاعدايدى جەكە زەرتتەۋ قاجەت. ەدەتتە, بٸز ٶز كلينيكامىزدىڭ دەڭگەيٸندە زەرتتەۋ جٷرگٸزگەن كەزدە, ۆاكتسينادان كەيٸن اۋىرىپ جٷگٸنگەندەردٸڭ كٶبٸ 3, 5, 10 كٷن بۇرىن عانا ەكپە العانىن بايقاپ وتىرمىز. ستاتسيونارعا وسىنداي ناۋقاستار تٷسەدٸ. يە, ۆاكتسينا العان ادامدار دا اۋىرۋى مٷمكٸن. بٸراق ولار جەڭٸل تٷردە اۋىرادى. ۆاكتسينا - سىرقاتتىڭ اۋىر ٶتۋٸنەن قورعاپ, ٶلٸم-جٸتٸمنٸڭ الدىن الادى. بۇل - ٶتە ماڭىزدى» - دەدٸ سەۋلە اتىعاەۆا.
