پروفيلاكتيكالىق مەديتسينا اكادەميياسىنىڭ پرەزيدەنتٸ, امەريكا دەنساۋلىق ساقتاۋ قاۋىمداستىعىنىڭ مٷشەسٸ الماز شارمان ۆاكتسيناتسييادان كەيٸنگٸ جاناما ەسەرلەردەن قورقۋ نايزاعايدان قورقىپ, جاۋىندى كٷنٸ كٶشەگە شىقپاۋمەن بٸردەي ەرەكەت دەگەن وي ايتتى, دەپ حابارلايدى قازاقپارات.
«كوروناۆيرۋس بٷگٸندە الدىن الۋعا بولاتىن اۋرۋ. ۆاكتسينا 100 پايىز بولماسا دا, كوروناۆيرۋس ينفەكتسيياسىنان, سىرقاتتىڭ اۋىر ٶتۋٸنەن قورعايدى. بٷگٸندە ەلەمدە تٷرلٸ ۆاكتسينالاردىڭ 4 ملرد دوزاسى ەگٸلدٸ. ەرينە, ۆاكتسينانىڭ ٶزٸ ۆيرۋس تۋدىرمايدى جەنە ۆاكتسينا العاندار ٸس جٷزٸندە كوۆيدتەن ٶلمەيدٸ. ۆاكتسينانى 100 پايىز قاۋٸپسٸز دەپ تە ايتا المايمىز. ٶتە سيرەك جاعدايلاردا ولار اللەرگييالىق رەاكتسييا نەمەسە قاننىڭ ۇيۋى سيياقتى جاناما ەسەرلەردٸ تۋدىرۋى مٷمكٸن. مۇنداي رەاكتسييالار ۆاكتسينا العان 50 مىڭ ادامنىڭ بٸرەۋٸندە عانا كەزدەسەدٸ. بۇل ىقتيمالدىلىقتى نايزاعاي تٷسۋٸ ىقتيمالدىعىمەن سالىستىرۋعا بولادى. بۇل ٶتە سيرەك كەزدەسەدٸ», - دەپ تٷسٸندٸردٸ ساراپشى.
سونىمەن قاتار, ول ۆاكتسينا الماعان ەر بەسٸنشٸ ادام قان ۇيۋ قاۋپٸنە شالدىعاتىنىن ايتتى.
«بۇل قاۋٸپتٸڭ ىقتيمالدىعى ۆاكتسينا العاننان كەيٸنگٸ ىقتيمالدىقتان مىڭ ەسە جوعارى. ۆاكتسينالار جاڭا تۋعان نەرەستەلەردە رەپرودۋكتيۆتٸك اۋىتقۋلار مەن دەفورماتسييالاردىڭ دامۋىنا ەكەلمەيدٸ. كەرٸسٸنشە, كوۆيدپەن اۋىراتىندار بەدەۋلٸكتٸڭ, شالا تۋىلۋدىڭ, سونداي-اق ميدىڭ, جٷرەكتٸڭ, باسقا ورگانداردىڭ سوزىلمالى سىرقاتىنىڭ, ونىڭ ٸشٸندە اقىل-وي قابٸلەتٸنٸڭ تٶمەندەۋٸنٸڭ ٷلكەن قاۋپٸنە ۇشىرايدى», - دەدٸ الماز شارمان.
