بەلگٸلٸ باسپاگەر, بٸرنەشە كٸتاپتىڭ اۆتورى باقىتجان بۇحارباي ۇزىناعاشتا رەسەي باسقىنشىلارىنا ارناپ ورناتىلعان ەسكەرتكٸشتٸ سٷرٸپ تاستاۋدى ۇسىندى, دەپ حابارلايدى "ۇلت اقپارات".
اتالعان ۇسىنىسىن ول ٶزٸنٸڭ Facebook جەلٸسٸندەگٸ پاراقشاسىندا جەتكٸزگەن.
“ۇزىناعاشتا رەسەي باسقىنشىلىعىنا ارنالعان ەسكەرتكٸش تۇر. ٶتكەندە ەدەيٸ سول جەرگە سوعىپ, وسى ۆيدەونى تٷسٸردٸم.
وسىنداي ٷلگٸدەگٸ ستەلالاردى رەسەي يمپەريياسى جەرگٸلٸكتٸ حالىقتىڭ قانىن تٶگٸپ, باسىپ العان جەرلەردە ورناتاتىن بولعان. تٶبەسٸندە يمپەرييانىڭ بٷركٸتٸ تۇر: بٸر قونعان جەردەن ۇشپايمىن, بٸر ورنىققان مەكەننەن كەتپەيمٸن دەگەندٸ مەڭزەيدٸ.
قاشان ورناتىلعانىن بٸلمەيمٸن, بٸراق اينالاسى بٸراز كٷتٸلمەگەنٸ كٶرٸنٸپ تۇر: شٶپ باسىپ, پليتكالارى قيراي باستاعان. سوعان قاراماستان جاقىندا بٸر تاقتا ورناتىپتى. سوندا ورىستىڭ ٶزٸنە كەرەك بولماي قالعان دٷنيەنٸ قازاقتىڭ قاستەرلەپ ساقتاپ جٷرگەنٸن قالاي تٷسٸنۋگە بولادى? اۋدان باسشىلىعى مەن پرەزيدەنت ەكٸمشٸلٸگٸ قايدا قاراپ جٷر?
قازاققا جات ەسكەرتكٸشتٸ سٷرٸپ تاستاۋ دۇرىس شەشٸم بولار ەدٸ. ال ەڭ سۇمدىق يدەولوگيياسىنىڭ كٶرٸنٸسٸ تٶمەندەگٸ ۆيدەودا”, – دەپ جازدى ول.
بۇحاربايدىڭ تالابىنا الماتى وبلىسى ەكٸمدٸگٸنٸڭ باسپاسٶز حاتشىسى پٸكٸر قالدىرعان. عالىمۇرات جٷكەل بۇل ەسكەرتكٸش تۋرالى جازبانى مەدەنيەت باسقارماسىنىڭ باسشىسى ەلييا جاقىپبەكوۆاعا جٸبەرگەن.
“پوستتىڭ سٸلتەمەسٸن جٸبەردٸم. تولىق اقپاراتىن جيناپ, قاشان, كٸمدەر ورناتقانىن بٸلٸپ, تولىقتىرىپ جاۋاپ بەرەم”, – دەپ جازادى.
