ۇزىناعاش بازارىندا مال ساتىپ جٷرٸپ جوعالىپ, سوڭىندا قىلمىسكەرلەر قولىنان قازا تاپقان ٷش جٸگٸتتٸڭ ٶلٸمٸنە بۇرىنعى پوليتسييا قىزمەتكەرٸنٸڭ قاتىسى بار بولۋى مٷمكٸن. بۇل تۋرالى Baq.kz رەداكتسيياسىنا قازا بولعان جٸگٸتتەردٸڭ بٸرٸنٸڭ تۋعان اعاسى ادال زارلىحان حابارلادى.
وقيعا كۋەگەرلەرٸمەن بٸر-بٸرلەپ سٶيلەسكەن ادال زارلىحان ٶتكەندەگٸ ٸزدەۋ جۇمىستارى كەزٸندەگٸ وقيعالاردى ەسٸنە الا وتىرىپ, بىلاي باياندادى:
«پوليتسەيلەردەن ەش حابار بولماعان سوڭ, جانىما بٸرنەشە جٸگٸت الىپ, جول تالعامايتىن كٶلٸكپەن ٸنٸلەرٸمدٸ ٶزٸم ٸزدەۋگە شىقتىم. 23 قىركٷيەكتە جامبىل وبلىسى دەگەرەس اۋىلى ماڭىنان ەكٸنشٸ ماشينا تابىلدى.
بۇل جايىندا بٸزگە قىتايدان كٶشٸپ كەلگەن بەيتانىس ورالمان جٸگٸت حابارلادى. ول مال ساتىپ جٷرگەن جٸگٸتتەردٸڭ جوعالعانىن, پوليتسەيلەرمەن بٸرگە ەرٸكتٸلەردٸڭ دە ٸزدەپ جاتقانىن ينتەرنەتتەن وقىعان. ۇزىناعاش جاققا كەلە جاتىپ, جولشىباي يەسٸز تۇرعان كٶلٸكتٸ فوتوعا تٷسٸرٸپ الىپتى. سوسىن تٸلەۋلەستٸك نيەتپەن بٸزگە حابارلاپ, ۆاتساپپەن فوتوسىن جٸبەردٸ. ەستي سالا, تاڭعى بەس مٶلشەرٸندە پوليتسەيلەرمەن بٸرگە ماشينا تۇرعان اۋىلعا باردىق. ونى ٶزگە ەكٸ پوليتسەي كٷزەتٸپ تۇر ەكەن.
كٶلٸكتٸ كٶرگەنٸن العاش بٸزگە حابارلاعان ەلگٸ جٸگٸت, «كەشە كەشتە ٶزٸنٸڭ بٸر تانىسىنىڭ مال تيەپ كەلە جاتىپ, بۇزىلىپ, وتالماي قالعان بٸر جٷك كٶلٸگٸن جٶندەپ بەرگەنٸن» ايتىپ, ول ادامنىڭ تەلەفون نٶمٸرٸن بەردٸ. بٸز ەلگٸ ادامعا حابارلاسىپ, كەزدەستٸك.
ونىڭ ايتۋىنشا: «بۇرىن پوليتسييا قىزمەتكەرٸ بولعان بٸر جٸگٸت كەلٸپ, ماشينالارى بۇزىلىپ قالعانىن, جٶندەپ بەرۋٸن ٶتٸنٸپ, سول جاققا ەرتٸپ باردى. كٶلٸك قاسىنا بارسام تاعى ەكٸ ادام جٷر ەكەن. كٶلٸك يەسٸ سولار ەكەن دەپ ويلادىم دا, ماشينالارىن جٶندەپ, وتالدىرىپ بەردٸم. قىتايدان كەلگەن جٸگٸتتەردٸ سٶز لەمٸنەن بىلاي تانيمىن عوي. ول ەكٸ جٸگٸت ماعان جەرگٸلٸكتٸ قازاقتار سيياقتى كٶرٸندٸ. مەن كەلەردەن بۇرىن ولار بۇزىلعان ماشينانى سٷيرەتپەكشٸ بولىپ, تراكتور شاقىرعان ەكەن. ول ادام دا بٸزبەن بٸرگە بولدى. ەلگٸ كٶلٸكتٸڭ بۇزىلعان جەرٸن جٶندەپ بولعان سوڭ, ماشيناعا اسىعىس وتىرعان ولار كٶلٸكتٸ ورنىنان قوزعاپ قالعاندا, جول جيەگٸنە جاقىن تۇرعان تراكتوردى سوعىپ, اۋدارىپ تاستادى. ول جەردە تراكتور يەسٸ انا جٸگٸتتەرگە رەنجٸپ, ٶزٸنٸڭ اۋدارىلعان تراكتورىن سٷيرەپ تۇرعىزۋ ٷشٸن تاعى بٸر ادامدارعا حابارلاسىپ جاتتى. كٶلٸكتەرٸن جٶندەپ بەرٸپ, نەگٸزگٸ شارۋام بٸتكەن سوڭ مەن ٷيٸمە قايتىپ كەتتٸم» دەدٸ».
سونىمەن قوسا ادال زارلىحان باق ٶكٸلدەرٸ مەن ەرٸكتٸلەردٸڭ, ٶزگە دە بەلسەندٸ ازاماتتاردىڭ ارالاسۋىمەن قوعامدا زور دٷمپۋ تۋدىرعان بۇل وقيعا بارىسىندا پوليتسەيلەردٸڭ تىم سىلبىر قيمىلداعانىن, تٸپتٸ, ٶزدەرٸنە جەكٸپ, ٷيلەرٸنە قايتارىپ جٸبەرمەك بولعانىن دا اشىق ايتتى.
تاعى بٸر كۋەگەرلەر دەگەرەستەن تابىلعان جٷك كٶلٸگٸنٸڭ تٷندە جوعارىدا ايتىلعان پوليتسييا قىزمەتكەرٸنٸڭ ٷيٸندە تۇرعانىن, ەرتەسٸندە الىس جاققا يەنگە ەلدەبٸرەۋدەردٸڭ اپارىپ تاستاعانىن دا ايتادى دەيدٸ - ول.
بٸراق, بۇل جايىندا ٸشكٸ ٸستەر ورگاندارى رەسمي تٷسٸنٸكتەمە بەرگەن جوق.
