ٷيٸندە ينتەرنەتٸ جوق الماتىلىق مۇعالٸمدەر ونلاين ساباقتى بارلىق سانيتارلىق تالاپتى ساقتاي وتىرىپ, مەكتەپتە ٶتكٸزە الادى, دەپ حابارلايدى "ۇلت اقپارات".
الماتى قالالىق بٸلٸم باسقارما باسشىسى لەززات جىلقىباەۆا ونلاين بريفينگ بارىسىندا جاڭا وقۋ جىلىنا دايىندىق جۇمىستارى قالاي جٷرگٸزٸلٸپ جاتقانىن ايتىپ بەردٸ.
ونىڭ ايتۋىنشا, 1 قىركٷيەكتەن باستاپ وقۋشىلار قاشىقتان وقۋ فورماتىندا بٸلٸم الادى. سوندىقتان وقۋشىلاردى تەحنيكامەن قامتۋعا كٶڭٸل بٶلۋدە.
«بۇل مەسەلەنٸ شەشۋ ٷشٸن مەكتەپتەر جان باسىنا قارجىلاندىرۋ ەسەبٸنەن 9 120 نوۋتبۋكپەن قامتاماسىز ەتٸلەدٸ. سونداي– اق,مەكتەپتەردەگٸ 10 مىڭ نوۋتبۋك ۋاقىتشا پايدالانۋعا بەرٸلدٸ. جەرگٸلٸكتٸ بيۋدجەت ەسەبٸنەن 11 042, ٷكٸمەتتٸڭ رەزەرۆ قورى ەسەبٸنەن 38 591 كومپيۋتەر تەحنيكاسى الىندى. ونىڭ ٸشٸندە 4 016 كومپيۋتەر, 5 203 پلانشەت جەنە 29 372 نوۋتبۋك بار. 22 212 پلانشەت جەرگٸلٸكتٸ بيۋدجەت ەسەبٸنەن الىندى», - دەپ اتاپ ٶتتٸ لەززات جىلقىباەۆا.
سونىمەن قاتار, ول وقۋشىلار مەن مۇعالٸمدەردٸڭ ينتەرنەتكە قولجەتٸمدٸلٸگٸن شەشۋ كەزەڭ-كەزەڭٸمەن اتقارىلىپ جاتقانىن جەتكٸزدٸ.
ينتەرنەتكە قوسىلۋدى قاجەت ەتەتٸن 22 مىڭنان استام وقۋشىعا سيم كارتالار ساتىپ الىندى. قازٸرگٸ تاڭدا سيم كارتالار مەن روۋتەرلەر تاراتىلىپ بەرٸلدٸ. ينتەرنەتٸ جوق مۇعالٸمدەرگە مەكتەپكە كەلٸپ ونلاين ساباق ٶتكٸزۋگە رۇقسات بەرٸلدٸ. وسىعان بايلانىستى قالاداعى مەكتەپتەردٸڭ بارلىعى دەزينفەكتسييالىق قۇرالدارمەن قامتاماسىز ەتٸلدٸ. ودان بٶلەك 1-2 سىنىپتاردا 193 كەزەكشٸ توپتار اشىلدى. بۇل توپتاردا 1977 بالا ساباق وقيدى, - دەدٸ ول.
