جىلجىمايتىن مٷلٸكتٸڭ نارىقتاعى باعاسى ٶسە بەرەدٸ, ٶيتكەنٸ قازاقتاندىقتار ٷشٸن وعان بالاما ەشتەڭە جوق. بۇل تۋرالى بانكتٸك نارىق بويىنشا تەۋەلسٸز ساراپشى بوتا جۇمانوۆا ايتتى, دەپ حابارلايدى Baq.kz اگەنتتٸگٸ.
ونىڭ ايتۋىنشا, قازاقستانداعى جىلجىمايتىن مٷلٸك نارىعى تٶمەنگە قۇلدىراپ, وسىمەن نەشٸنشٸ جىل جوعارى ٶسٸمگە ۇمتىلىپ جٷر.
«تاياقتىڭ ەكٸ ۇشى بولادى, دەگەندەي قولجەتٸمدٸ باسپانا باعدارلاماسىنىڭ دا ەكٸ ۇشى بار. بٸر جاعىنان نارىققا اقشا كٸرەدٸ, ەكٸنشٸ جاعىنان بۇل اقشالار نارىقتاعى باعانى كٶتەرٸپ جٸبەرەدٸ», - دەيدٸ ول.
سونىمەن قاتار ول, ەلٸمٸزدەگٸ جىلجىمايتىن مٷلٸكتٸڭ نارىقتاعى باعاسى ٶسە بەرەتٸندٸگٸن, ٶيتكەنٸ قازاقتاندىقتار ٷشٸن وعان بالاما ەشتەڭە جوق ەكەندٸگٸن ايتادى.
«دەپوزيتتەگٸ دوللاردىڭ مٶلشەرلەمەسٸ كٷلكٸلٸ ەرٸ ول ەشكٸمگە قىزىقتى ەمەس. بٸرتٸندەپ دەۆالۆاتسييا جٷرٸپ جاتىر, باعالى قاعازدار نارىعى جوق. سوندىقتان تەك كٸرپٸش قابىرعالاردى تاڭداۋ قالادى. دەۆالۆاتسييالىق سەكٸرٸس بولعان سايىن ادامدار قاراجاتتارىن جىلجىمايتىن مٷلٸككە سالا باستايدى. بۇل ٷي تۇرعىزۋشىلار ٷشٸن وڭىنان بولىپ وتىر», -دەيدٸ ساراپشى.
ساراپشىنىڭ ايتۋىنشا, تٷرلٸ باعدارلامانى قارجىلاي ساۋاتتى قازاقستاندىقتار پايدالانا تٷسپەك, ياعني نەسيەلٸك تاريحى جاقسى ادامدار جىلجىمايتىن مٷلٸكتٸ ەرٸ قاراي جالعا بەرۋ ٷشٸن الا تٷسەدٸ.
"دەل قازٸر جىلجىمايتىن مٷلٸك الۋعا اسىعۋ كەرەك پە?" دەگەن سۇراعىمىزعا ساراپشى: «بارلىعى جاعدايعا بايلانىستى, ادامداردىڭ تۇراقتى جالاقىسى مەن جۇمىسىنىڭ بولۋىنا قاراي», - دەپ جاۋاپ بەردٸ.
