Jyljymaityn múliktiń naryqtaǵy baǵasy óse beredi, óitkeni qazaqtandyqtar úshin oǵan balama eshteńe joq. Bul týraly banktik naryq boiynsha táýelsiz sarapshy Bota Jumanova aitty, dep habarlaidy Baq.kz agenttigi.
Onyń aitýynsha, Qazaqstandaǵy jyljymaityn múlik naryǵy tómenge quldyrap, osymen neshinshi jyl joǵary ósimge umtylyp júr.
«Taiaqtyń eki ushy bolady, degendei qoljetimdi baspana baǵdarlamasynyń da eki ushy bar. Bir jaǵynan naryqqa aqsha kiredi, ekinshi jaǵynan bul aqshalar naryqtaǵy baǵany kóterip jiberedi», - deidi ol.
Sonymen qatar ol, elimizdegi jyljymaityn múliktiń naryqtaǵy baǵasy óse beretindigin, óitkeni qazaqtandyqtar úshin oǵan balama eshteńe joq ekendigin aitady.
«Depozittegi dollardyń mólsherlemesi kúlkili ári ol eshkimge qyzyqty emes. Birtindep devalvatsiia júrip jatyr, baǵaly qaǵazdar naryǵy joq. Sondyqtan tek kirpish qabyrǵalardy tańdaý qalady. Devalvatsiialyq sekiris bolǵan saiyn adamdar qarajattaryn jyljymaityn múlikke sala bastaidy. Bul úi turǵyzýshylar úshin ońynan bolyp otyr», -deidi sarapshy.
Sarapshynyń aitýynsha, túrli baǵdarlamany qarjylai saýatty qazaqstandyqtar paidalana túspek, iaǵni nesielik tarihy jaqsy adamdar jyljymaityn múlikti ári qarai jalǵa berý úshin ala túsedi.
"Dál qazir jyljymaityn múlik alýǵa asyǵý kerek pe?" degen suraǵymyzǵa sarapshy: «barlyǵy jaǵdaiǵa bailanysty, adamdardyń turaqty jalaqysy men jumysynyń bolýyna qarai», - dep jaýap berdi.
