كەدەگە جاراتۋ الىمىن 2 ەسەگە تٶمەندەتۋ نارىقتاعى بەسەكەلەستٸكتٸ كٷشەيتەدٸ. بۇل تۋرالى «سەماز» جشس ديرەكتورىنىڭ ورىنباسارى قىدىروللا جۇماعۇلوۆ ايتتى, دەپ حابارلايدى قازاقپارات.
«كەز كەلگەن مەملەكەت ٸشكٸ نارىعىن قورعاۋ, وتاندىق ٶندٸرٸسٸن قولداۋ ٷشٸن ٸس-شارالار قابىلدايدى. كەدەگە جاراتۋ الىمى قازاقستاندىق اۆتوموبيل زاۋىتتارىنىڭ قالىپتاسۋى بارىسىندا ناقتى رٶلگە يە بولدى. بۇل جول ٶنەركەسٸپتە, ونىڭ ٸشٸندە اۆتوموبيل جاساۋعا زور جەتٸستٸكتەرگە جەتكەن بٸرقاتار ەلدٸڭ تەجٸريبەسٸ نەگٸزٸندە تاڭداپ الىنعان بولاتىن. باستاپقىدا مەملەكەت سالاعا قاجەتتٸ جاعداي مەن قولداۋ ٸس-شارالارىن جاساپ, جان-جاقتى كٶمەكتەسەدٸ. سودان كەيٸن بارىپ اتالعان زاۋىتتار بەسەكەلەستٸك ورتادا جۇمىس ٸستەۋگە قابٸلەتتٸ بولا تٷسٸپ, مەملەكەت قورعاۋ ٸس-شارالارىن بٸرتٸندەپ تٶمەندەتەدٸ. ۋتيلالىمدى 2 ەسەگە تٶمەندەتۋ كەسٸپورىندارىمىزدىڭ جۇمىسىنا ەسەر ەتەتٸندٸگٸ سٶزسٸز. ەڭ الدىمەن نارىقتاعى بەسەكەلەستٸك كٷشەيەدٸ. بۇعان قوسا, وتاندىق اۆتوزاۋىتتار جيناقتاپ ٷلگەرگەن ٶندٸرٸس قارقىنىڭ ايتارلىقتاي جوعارى بولۋى دا كٶڭٸلگە دەمەۋ. ٶزدەرٸڭٸز-اق تٶرەلٸگٸن ايتارسىزدار, وسىدان 3 جىل بۇرىن ٷكٸمەت 5 جىلدىڭ ٸشٸندە بارلىق ٷلگٸدەگٸ 100 مىڭ اۆتوموبيل قۇراستىرۋ مٸندەتٸن جٷكتەگەن ەدٸ. ال, وتاندىق اۆتوٶنەركەسٸپ 2021 جىلدى 92 مىڭ كٶلٸك قۇراستىرۋمەن اياقتادى. دەمەك, مەجەلٸ تسيفرعا از عانا قالدى. مۇنىڭ ٶزٸ كارانتيندەگٸ 2 جىلعا قاراماستان قول جەتكٸزٸلگەن جەتٸستٸك. باسقاشا ايتار بولساق, مەملەكەتتٸك قولداۋ ٸس-شارالارى تيٸمدٸلٸگٸن بەرٸپ وتىر», - دەدٸ ول.
وسى رەتتە قىدىروللا جۇماعۇلوۆ «سەماز» زاۋىتىن مىسالعا كەلتٸردٸ.
«مٷمكٸنشٸلٸكتەردٸڭ اشىلعانىنان كٶرگەننەن كەيٸن كەسٸپورىن باسشىلىعى ٶندٸرٸستٸ كەڭەيتۋ تۋرالى شەشٸم قابىلدادى. وسى ماقاساتتا قوسىمشا ٶندٸرٸس الاڭى ساتىپ الىندى. قولدانىستاعى 17 مىڭ شارشى مەترگە قوسىمشا تاعى 30 مىڭ شارشى مەتر الدىق. بۇل الاڭدا لوكاليزاتسييانى تەرەڭدەتۋگە مٷمكٸندٸك بەرەتٸن زاماناۋي قۇرال-جابدىقتاردى ورناتۋ جوسپارلانعان. قازاقستان ٷكٸمەتٸ اتىنان يندۋسترييا جەنە ينفراقٷرىلىمدىق دامۋ مينيسترلٸگٸ جىلدا بٸزگە قازاقستاندىق قامتۋدى تەرەڭدەتۋگە قاتىستى بارىنشا جوعارى تالاپ قويىپ كەلەدٸ. وسى ماقساتتا زاۋىت مينيسترلٸكپەن ٶنەركەسٸپتٸك قۇراستىرۋ تۋرالى كەلٸسٸم جاساپ, وندا اتالعان شارتتىڭ بەرٸ بەكٸتٸلگەن. بٸز ٷشٸن لوكاليزاتسييا تەك قانا قاجەتتٸلٸك ەمەس, سونىمەن بٸرگە تيٸمدٸلٸك ەكەندٸگٸن بٸرنەشە مەرتە مەلٸمدەدٸك. بۇل ەڭ الدىمەن ٶنٸمٸمٸزدٸڭ ٶزٸندٸك قۇنىن تٶمەندەتەدٸ», - دەدٸ زاۋىت ديرەكتورىنىڭ ورىنباسارى.
سونىمەن قاتار ول كادر مەسەلەسٸنە دە جەكە توقتالىپ ٶتتٸ.
«قازٸرگٸ ٶندٸرٸستٸڭ تالابىنا وراي جىل سايىن ٶڭٸرٸمٸزدەگٸ وقۋ ورىندارىنا تالاپتى كٷشەيتٸپ كەلەمٸز. زاۋىتقا بٸلٸكتٸلٸگٸ جوعارى جۇمىسشىلاردىڭ كەلۋٸ ٶتە ماڭىزدى. سالامىزدى دامىتۋ مۋلتيپليكاتيۆتٸ ەسەر بەرەدٸ. زاۋىتتارىمىزدى كەزەڭ-كەزەڭمەن دامىتۋدىڭ ارقاسىندا ارالاس ٶزگە دە سالالار دامي تٷسەدٸ. ال بۇل جاڭا جۇمىس ورنى, بيۋدجەتكە سالىق دەگەن سٶز», - دەدٸ ول.
زاۋىت ديرەكتورىنىڭ ورىنباسارى كەدەگە جاراتۋ الىمى تٶمەندەگەننەن كەيٸنگٸ كٶلٸك باعاسىنا قاتىستى ويىمەن دە بٶلٸستٸ.
«ۋتيلالىم تٶمەندەگەننەن كەيٸن اۆتوموبيل باعاسى تٷسە مە?» دەپ جيٸ سۇرايدى. مەنٸڭشە, باعا سەل عانا تٶمەن تٷسۋٸ مٷمكٸن. ٶيتكەنٸ, باعانىڭ قالىپتاسۋىنا تٷرلٸ فاكتور ەسەر ەتەدٸ جەنە ۋتيلالىم مٶلشەرٸ بۇل رەتتە نەگٸزگٸ ەمەس. بٸز ٶنٸمٸمٸزدٸڭ قۇنىنا كەدەگە جاراتۋ الىمى قوسىلمايتىندىعىن ايتىپ كەلەمٸز. اۆتوٶندٸرٸستٸ ىنتالاندىرۋ باعدارلاماسى ۋتيلالىمدى ٶتەۋگە مٷمكٸندٸك بەردٸ. ال يمپورت ارقىلى ەلٸمٸزگە كەلەتٸن اۆتوموبيلدەر سەل ارزاندايتىن شىعار. قانشاعا? بۇل يمپورتاۋشىلارعا قويىلاتىن ساۋال», - دەدٸ قىدىروللا جۇماعۇلوۆ.
