بٷگٸن مەجٸلٸستٸڭ جالپى وتىرىسىندا بٸرنەشە زاڭ جوباسى قارالدى. سونىڭ ٸشٸندە "2020-2022 جىلدارعا ارنالعان رەسپۋبليكالىق بيۋدجەت تۋرالى" زاڭنىڭ جوباسى دا بار, دەپ حابارلايدى Sputnik قازاقستان.
بٸلٸم جەنە عىلىم مينيسترٸ اسحات ايماعامبەتوۆتىڭ ايتۋىنشا, ٷش جىلدىق بيۋدجەتتە بٸلٸم سالاسىنا قىرۋار قارجىنى بٶلۋ قاراستىرىلعان. ال, ەڭ باستىسى, ۇستازداردىڭ جالاقىسىن كٶتەرۋ مەسەلەسٸ ەسكەرٸلگەن.
"كەلەسٸ جىلى 25 پروتسەنتكە, ودان كەيٸن 50 پروتسەنتكە, ارى قاراي 70 پروتسەنتكە, ەڭ سوڭىندا 100 پروتسەنتكە كٶتەرۋ تاپسىرماسى بار. وسى تاپسىرما بويىنشا تيٸستٸ قارجى قاراستىرىلدى. ول – بٸر. ەكٸنشٸدەن, اپاتتى جاعدايدا جەنە ٷش اۋىسىمدا جۇمىس ٸستەيتٸن مەكتەپتەردٸ جويۋ بويىنشا قاراجات بٶلٸنٸپ جاتىر. بۇدان بٶلەك, كوللەدجدەردٸ جابدىقتاۋ, جاس مامانداردى قولداۋ جەنە باسقا دا باعدارلامالار بويىنشا ٸرٸ كٶلەمدە قارجى بەرٸلٸپ وتىر", - دەدٸ ايماعامبەتوۆ جۋرناليستەرگە بەرگەن سۇحباتىندا.
مينيستردٸڭ سٶزٸنە قاراعاندا, ٷش جىلدىق بيۋدجەتتە ۇستازداردىڭ جالاقىسىن كٶتەرۋ شارالارىنا عانا 1,7 تريلليون تەڭگە قاراستىرىلعان. بۇعان دەيٸن ونداي قارجى بٶلٸنبەگەن.
"ەندٸگٸ ماقساتىمىز – ول اقشانى ەربٸر پەداگوگقا جەتكٸزۋ جەنە بٸلٸم بەرۋ ساپاسىن كٶتەرۋ. 500 مىڭنان استام پەداگوگقا سان الۋان قوسىمشا اقىلار بەرٸلەدٸ. سوسىن عىلىم سالاسىن قارجىلاندىرۋ كٶلەمٸ ەكٸ ەسەگە ارتىپ وتىر", - دەپ اتاپ كٶرسەتتٸ ايماعامبەتوۆ.
بۇدان بٶلەك, ٷش جىلدىق بيۋدجەتتە مەدەنيەت پەن ٶنەر قىزمەتكەرلەرٸنٸڭ جالاقىسىن كٶتەرۋ, تۇرعىن ٷي قورىن جاڭعىرتۋ, مٸندەتتٸ ەلەۋمەتتٸك مەديتسينالىق ساقتاندىرۋ, بٸلٸم سالاسىن جان باسىنا قاراي قارجىلاندىرۋ, اۋىلدى ساپالى اۋىز سۋمەن قامتۋ, گازداندىرۋ, جەرگٸلٸكتٸ جولداردى دامىتۋ, جۇمىسپەن قامتۋ مەن كەسٸپكەرلٸكتٸ دامىتۋ, اگروٶنەركەسٸپ كەشەنٸن نىعايتۋ, جاستار مەن كٶپبالالى وتباسىلاردى باسپانامەن قامتۋ جەنە تاعى باسقا ماڭىزدى شارالار قاراستىرىلعان. سونداي-اق, "نۇرلى جول" مەن "نۇرلى جەر" مەملەكەتتٸك باعدارلامالارىنا بٶلٸنەتٸن قاراجات بار. "بيزنەستٸڭ جول كارتاسى 2025" اتتى جاڭا باعدارلاما قولعا الىنادى.
بٷگٸنگٸ وتىرىستا دەپۋتاتتار زاڭ جوباسىن بٸراۋىزدان قولدادى. ال سپيكەر نۇرلان نىعماتۋلين مەجٸلٸستٸڭ جالپى وتىرىسىنا كەلگەن ٷكٸمەت باسشىسى اسقار ماميندٸ تۋعان كٷنٸمەن قۇتتىقتاپ, جۇمىسىنا سەتتٸلٸك تٸلەدٸ. بٷگٸن پرەمەر-مينيستر 54 جاسقا كەلدٸ.
