سىنداي سىن سەتتە ۇستازداردى كٷشتەپ جۇمىسقا تارتىپ, ونلاين-ساباق جازۋعا مەجبٷرلەپ وتىر دەگەن ورىنسىز مەسەلە تۋىنداماۋى تيٸس. بۇل جايىندا قر بٸلٸم جەنە عىلىم مينيسترٸ شولپان كارينوۆا Facebook پاراقشاسىندا جازدى, دەپ حابارلايدى "ۇلت اقپارات".
«بٷگٸنگٸ كٷنٸ كوروناۆيرۋستىڭ تارالۋىنا قارسى كٷرەستٸ كٷشەيتۋ كەزٸندە 6 سەۋٸردەن باستاپ مەكتەپتەر تٶرتٸنشٸ توقساندى قاشىقتان وقىتۋ فورماتىندا باستايدى. قازٸر بالالار كٶكتەمگٸ دەمالىستا. مۇعالٸمدەر بولسا, بالالاردى جاڭاشا وقىتۋعا دايىندىق ٷستٸندە. وقۋشىلاردىڭ دەمالىسى كەزٸندە مۇعالٸمدەر بۇعان دەيٸن دە ٶزدەرٸنٸڭ پەداگوگيكالىق شەبەرلٸگٸن ارتتىرۋمەن اينالىساتىن. ەدٸستەمەلٸك قورجىنىن تولىقتىرىپ, بولاشاق ساباعىنا قاجەتتٸ ماتەريال قاراستىراتىن. بٷگٸنگٸ كٷنٸ ەدەتتەگٸ دايىندىققا قوسا مۇعالٸمدەر ٶز تسيفرلىق قۇزٸرەتٸن كٷشەيتۋ بويىنشا جۇمىس جاساۋى قاجەت. قاشىقتان جۇمىس جاساۋدا مۇعالٸمدەردٸڭ جٷيەلٸك تەجٸريبەسٸ جوق ەكەنٸن ەسكەرەتٸن بولساق, ەرينە, بۇل وڭاي شارۋا ەمەس جەنە بۇنداي جۇمىس بۇرىن تالاپ ەتٸلمەگەن. دەسەك تە, ساباق بارىسىندا مۇعالٸمدەر تسيفرلىق بٸلٸم بەرۋ رەسۋرستارىمەن, ەلەكتروندى وقۋلىقتارمەن, ەلەكتروندى جۋرنال جٷيەلەرٸمەن بۇعان دەيٸن دە جۇمىس جاسايتىن. بۇنىڭ ٶزٸ تسيفلىق جٷيەدە جۇمىس جاساۋدىڭ قانداي دا بٸر تەجٸريبەسٸ ەكەنٸ انىق», - دەپ جازادى ۆيتسە-مينيستر.
ونىڭ اتاپ ٶتۋٸنشە, قازٸرگٸ تاڭدا مەكتەپ ەكٸمشٸلٸگٸ, ەدٸستەمەلٸك بٸرلەستٸك جەتەكشٸلەرٸ, ۇستازدار قاشىقتىقتان وقىتۋعا اۋىسۋ باعىتىندا بەلسەندٸ جۇمىس اتقارۋدا. ەڭ ماڭىزدىسى - وسى مەسەلەنٸ دۇرىس تٷسٸنۋ. قاشىقتىق ساباق – ەدەتتەگٸدەي قىرىق مينۋت كٶلەمٸندەگٸ ساباق ەمەس. قاشىقتىق ساباقتىڭ ەدٸس-تەسٸلدەرٸ, قاعيدالارى دا باسقا.
«وسىنداي سىن سەتتە ۇستازداردى كٷشتەپ جۇمىسقا تارتىپ, ونلاين-ساباق جازۋعا مەجبٷرلەپ وتىر دەگەن ورىنسىز مەسەلە تۋىنداماۋى تيٸس. قازٸرگٸ جاعدايدا بۇل - مۇعالٸمنٸڭ ٶزٸنە كەرەك نەرسە, بۇل - مۇعالٸم جۇمىسىنىڭ جاڭا شارتى. ەڭ باستىسى, وقۋشىلار مۇعالٸمنەن قىزىقتى, تارتىمدى ساباق كٷتەدٸ», - دەدٸ ول.
وسى رەتتە ۆيتسە-مينيستر اتا-انالاردى بۇل مەسەلەگە تٷسٸنٸكپەن قاراۋعا, بالاعا جاڭا فورماتتا وقۋ ماتەريالىن يگەرۋگە كٶمەك بەرٸپ, مۇعالٸم مەن وقۋشى اراسىنداعى بايلانىستىڭ ورناۋىنا ىقپال ەتۋگە, قاجەتتٸ نەتيجەگە جەتۋ ٷشٸن كٶمەك بەرۋگە شاقىرادى.
«تەك وسىلاي, بٸرلەسە جۇمىس جاساۋ ارقىلى بٸز وقۋ ٷردٸسٸن دۇرىس ۇيىمداستىرىپ, بالالارعا قاجەتتٸ بٸلٸم مەن قۇزٸرەتٸن بەرە الامىز. كەيبٸر مەكتەپتەردە ساپالى ينتەرنەت, مۇعالٸمدەر مەن وقۋشىلاردا كومپيۋتەردٸڭ بولماۋى, وتباسىندا بٸرنەشە بالا بولعان جاعدايدا كومپيۋتەردٸ پايدالانۋ مەسەلەرٸ, دايىن ينتەرنەت-پلاتفورمالاردىڭ جوقتىعى تٷسٸنٸكتٸ. بۇل سۇراقتار, ەرينە, بار, ولار جەكە تۇرعىدا قاراستىرىلادى, ولاردى شەشۋ جولدارى انىقتالۋدا», - دەدٸ شولپان كارينوۆا.
