مەملەكەت باسشىسى الماتى ماڭىنداعى ۇشاق اپاتىنا بايلانىستى كەڭەس ٶتكٸزدٸ, دەپ حابارلايدى اقوردا.
«اقوردا» رەزيدەنتسيياسىندا پرەمەر-مينيستردٸڭ, پرەزيدەنت ەكٸمشٸلٸگٸ باسشىلىعىنىڭ, قاۋٸپسٸزدٸك كەڭەسٸ حاتشىسىنىڭ, باس پروكۋروردىڭ, ۇلتتىق قاۋٸپسٸزدٸك كوميتەتٸ تٶراعاسىنىڭ, ٸشكٸ ٸستەر, اقپارات جەنە قوعامدىق دامۋ, دەنساۋلىق ساقتاۋ مينيسترلەرٸنٸڭ قاتىسۋىمەن الماتى ەۋەجايى ماڭىنداعى جولاۋشىلار ۇشاعىنىڭ اپاتىنا بايلانىستى شۇعىل كەڭەس ٶتتٸ.
قاسىم-جومارت توقاەۆ قازاقستان حالقىنىڭ جەنە جەكە ٶزٸنٸڭ اتىنان قازا بولعان ازاماتتاردىڭ وتباسىلارى مەن جاقىندارىنا كٶڭٸل ايتتى. جيىنعا قاتىسۋشىلار قايتىس بولعانداردى بٸر مينۋت ٷنسٸزدٸكپەن ەسكە الدى.
مەملەكەت باسشىسى پرەمەر-مينيستر اسقار ماميننٸڭ, باس پروكۋرور عيزات نۇردەۋلەتوۆتٸڭ, ٸشكٸ ٸستەر مينيسترٸ ەرلان تۇرعىمباەۆتىڭ جەنە دەنساۋلىق ساقتاۋ مينيسترٸ ەلجان بٸرتانوۆتىڭ ەسەپتەرٸن تىڭدادى.
قاسىم-جومارت توقاەۆ ٷكٸمەتكە الماتى قالاسى مەن الماتى وبلىسى ەكٸمدٸكتەرٸمەن بٸرلەسٸپ قازا بولعان ازاماتتاردىڭ وتباسىلارىنا 4 ميلليون تەڭگە كٶلەمٸندە ماتەريالدىق كٶمەك كٶرسەتۋدٸ تاپسىردى. قايتىس بولعانداردىڭ جاقىندارىنا جان-جاقتى پسيحولوگييالىق جەنە مەديتسينالىق قولداۋ كٶرسەتٸلەدٸ. سونىمەن قاتار زارداپ شەككەندەردٸڭ بارلىعىنا قاجەتتٸ كٶمەك بەرٸلەدٸ.
28 جەلتوقساندى جالپىۇلتتىق ازا تۇتۋ كٷنٸ دەپ جارييالاعان پرەزيدەنت ەلٸمٸزدەگٸ مەملەكەتتٸك تۋلاردى تٶمەن تٷسٸرۋگە جەنە بارلىق ويىن-ساۋىق شارالارىن توقتاتۋعا تاپسىرما بەردٸ.
مەملەكەت باسشىسى كەڭەس بارىسىندا:
– ۇشاق اپاتىنا سوقتىرعان سەبەپتەردٸ ساپالى ەرٸ وبەكتيۆتٸ تٷردە تەكسەرۋگە;
– «قازاقستاننىڭ اۆياتسييالىق ەكٸمشٸلٸگٸ» اكتسيونەرلٸك قوعامىن بٸلٸكتٸ ماماندارمەن قامتۋ جۇمىستارىن تولىق اياقتاۋ شارالارىن قابىلداۋعا;
– قاۋٸپسٸزدٸك تالاپتارىنا سەيكەستەندٸرۋ ٷشٸن بارلىق ەۋە كومپانييالارىنىڭ جۇمىستارى مەن اۆياتسييالىق ينفراقۇرىلىم نىساندارىن تەكسەرۋگە تاپسىرما بەردٸ.
باس پروكۋراتۋرا مەن ٸشكٸ ٸستەر مينيسترلٸگٸنە قوزعالعان قىلمىستىق ٸس اياسىندا ۇشاق اپاتىنا سوقتىرعان سەبەپتەردٸ انىقتاۋ, كٸنەلٸلەردٸ زاڭعا سەيكەس جاۋاپكەرشٸلٸككە تارتۋ, سونداي-اق, الماتى ەۋەجايىنىڭ اۋماعىنا جاقىن ورنالاسقان جەكە قۇرىلىستاردىڭ زاڭدىلىعىن زەرتتەۋ جٶنٸندە شارا قابىلداۋدى تاپسىردى.
ايتا كەتەيٸك, بٷگٸن تاڭدا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتتٸ.
كەيٸن 95 جولاۋشىسى جەنە 5 ەكيپاج مٷشەسٸ بار ۇشاقتىڭ اپاتقا ۇشىراعانى مەلٸم بولدى.
وقيعانىڭ مەن-جايىن انىقتاۋ ٷشٸن ۇشاق قۇلاعان اۋماققا ارنايى كوميسسييا ۇشىپ شىقتى.
قر پرەزيدەنتٸ قاسىم-جومارت توقاەۆ ۇشاق اپاتىنا كٸنەلٸلەر زاڭعا سەيكەس قاتاڭ جازالاناتىنىن مەلٸمدەدٸ.
ەلباسى نۇر-سۇلتان نازارباەۆ جولاۋشىلار ۇشاعىنىڭ اپاتقا ۇشىراۋىنا بايلانىستى كٶڭٸل ايتتى.
