2020 جىلى سۋارمالى جەرلەردەگٸ ەگٸس الاڭى 1,4 ملن گەكتاردى قۇرادى. بۇل تۋرالى ٷكٸمەت وتىرىسىندا قر اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«بيىلعى ۆەگەتاتسييالىق كەزەڭ وڭاي بولعان جوق, بۇعان وڭتٷستٸك وبلىستارداعى اۋىل شارۋاشىلىعى تاۋارىن ٶندٸرۋشٸلەردٸڭ سۋ تاپشىلىعىنا قاتىستى كٶپتەگەن ٶتٸنٸشتەرٸ دەلەل بولا الادى. ٷكٸمەت قابىلداعان شارالار جەنە ەكٸمدٸكتەردٸڭ ٷيلەسٸمدٸ جۇمىسى ارقاسىندا ەگٸن جيناۋ ايتارلىقتاي شىعىنسىز ٶتتٸ. ماڭىزدى مٸندەتتەردٸڭ بٸرٸ - سۋارمالى جەرلەردە سۋدى ۇتىمدى جەنە ٷنەمدٸ پايدالانۋ. ەكٸمدٸكتەردٸڭ دەرەكتەرٸنە سەيكەس 2020 جىلى سۋارمالى جەرلەردەگٸ ەگٸس الاڭى 1,4 ملن گەكتاردى قۇرادى», - دەدٸ مينيستر.
ونىڭ ايتۋىنشا, 1,1 ميلليوننان استام گەكتار نەمەسە 79% جەر بەتٸمەن سۋارۋ تەسٸلٸمەن سۋارىلادى, 104 مىڭ گەكتار - بۇلار نەگٸزٸنەن كٷرٸش القاپتارى, ياعني جاپپاي سۋ جايۋ ەدٸسٸمەن سۋارىلادى. ال ەگٸس الاڭىنىڭ 200 مىڭ گەكتارىنا نەمەسە 13,5%-ىنا عانا زاماناۋي تامشىلاتىپ نەمەسە جاڭبىرلاتىپ سۋارۋ ەدٸسٸ پايدالانىلادى. بۇل جەردە پاۆلودار, قاراعاندى, اقمولا وبلىستارىندا ىلعال ٷنەمدەۋ تەحنولوگييالارىن پايدالانۋ پايىزى جوعارى ەكەنٸن اتاپ ٶتۋ كەرەك.
«سۋارمالى جەرلەردەگٸ ەگٸس الاڭدارىنىڭ قۇرىلىمىنا دا توقتالا كەتكەن جٶن. ستاتيستيكا دەرەكتەرٸ بويىنشا قازٸرگٸ كەزدە سۋارمالى جەرلەردە مايلى, دەندٸ, ازىقتىق, كٶكٶنٸس-باقشا داقىلدارى, ماقتا, كارتوپ, كٷرٸش جەنە قانت قىزىلشاسى ٶسٸرٸلەدٸ. كٶرٸپ وتىرعانىمىزداي, نەگٸزگٸ ٷلەس بيداي مەن ارپا سيياقتى تەلٸمٸ داقىلدارعا, سونداي-اق ماقتا مەن كٷرٸش سيياقتى مونوداقىلدارعا تيەسٸلٸ. مينيسترلٸك پەن وبلىس ەكٸمدٸكتەرٸ اراسىندا جاسالعان مەموراندۋمدار اياسىندا سۋدى كٶپ قاجەت ەتەتٸن داقىلدار مەن مونوداقىلداردىڭ ٷلەسٸن ازايتۋ, سونداي-اق رەنتابەلدٸلٸگٸ جوعارى بالاما داقىلداردىڭ (كٶكٶنٸس-باقشا, ازىقتىق, مايلى داقىلدار) الاڭدارىن ۇلعايتۋ ارقىلى اۋىل شارۋاشىلىعى داقىلدارىنىڭ ەگٸس الاڭدارىن ەرتاراپتاندىرۋ جۇمىستارى جٷرگٸزٸلٸپ جاتىر», - دەدٸ س. وماروۆ.
ونىڭ سٶزٸنە قاراعاندا, بيىل ماقتا ٶسٸرۋ الاڭى 126 مىڭ گەكتاردى قۇرادى, بۇل 2017 جىلعى دەڭگەيدەن (135 مىڭ گەكتار) 8,6 مىڭ گەكتارعا از. كٷرٸش الاڭى بويىنشا شامالى تٶمەندەۋ بايقالادى, 2017 جىلمەن سالىستىرعاندا 700 گەكتارعا ازايدى.
«بۇل جەردە مەموراندۋمداردىڭ كٶرسەتكٸشتەرٸنە قول جەتكٸزٸلمەۋدٸڭ نەگٸزگٸ سەبەبٸ مەموراندۋمنىڭ ۇسىنىمدىق سيپاتقا يە ەكەندٸگٸن, مەملەكەتتٸك جوسپارلاۋ جٷيەسٸنٸڭ قۇجاتتارىنا جاتپايتىندىعىن اتاپ ٶتكٸم كەلەدٸ. وسى مەسەلەنٸ رەتتەۋ ٷشٸن مينيسترلٸك سالالىق «اگروٶنەركەسٸپتٸك كەشەندٸ جەنە اۋىلدىق اۋماقتاردى دامىتۋدى مەملەكەتتٸك رەتتەۋ تۋرالى» زاڭعا ۋەكٸلەتتٸ جەنە جەرگٸلٸكتٸ اتقارۋشى ورگانداردىڭ قۇزىرەتٸنە اۋىل شارۋاشىلىعى داقىلدارىنىڭ ەگٸس الاڭدارى قۇرىلىمىن ەرتاراپتاندىرۋ مەسەلەسٸ بويىنشا كەلٸسٸم جاساسۋ نورماسىن ەنگٸزۋ بٶلٸگٸندە ٶزگەرٸستەر ەنگٸزدٸ. سونداي-اق اگروٶنەركەسٸپتٸك كەشەندٸ دامىتۋدىڭ مەملەكەتتٸك باعدارلاماسىنا سۇرانىسقا يە اۋىل شارۋاشىلىعى داقىلدارىنىڭ ەگٸس الاڭدارى بويىنشا ينديكاتيۆتٸ كٶرسەتكٸشتەر ەنگٸزٸلدٸ. بۇل وبلىس ەكٸمدٸكتەرٸنٸڭ مەموراندۋمدار كٶرسەتكٸشتەرٸنە قول جەتكٸزۋ بويىنشا جاۋاپكەرشٸلٸكتەرٸن ارتتىرۋعا مٷمكٸندٸك بەرەدٸ», - دەپ تٷسٸندٸردٸ ۆەدومستۆو باسشىسى.
