الماتى, تٷركٸستان, جامبىل وبلىستارىنان باستاۋ العان «القاپتان – سٶرەگە دەيٸن» كووپەراتسييالىق تٸزبەگٸ بٷكٸل رەسپۋبليكادا جالعاسىن تابادى. بۇل تۋرالى اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«ٶزٸنٸڭ ٶندٸرگەن ٶنٸمٸن, ەسٸرٸسە قييار, الما, قىزاناق ساقتايتىن ورىندار وڭتٷستٸك ٶڭٸرلەردە جەتكٸلٸكسٸز. سوندىقتان ٷكٸمەت تاراپىنان ەكٸ تٷرلٸ جۇمىس جٷرگٸزٸلٸپ جاتىر. بٸرٸنشٸدەن جەتٸ وبلىستا كٶتەرمە-تاراتۋ ورتالىقتارىنىڭ جەلٸسٸن سالۋ مەسەلەسٸ كٶتەرٸلۋدە. ول كٶتەرمە-تاراتۋ ورتالىقتارىنىڭ نەگٸزگٸ مٸندەتٸ – شارۋالاردان كەلٸپ تٷسكەن ازىق-تٷلٸك تاۋارلارىن ساقتاۋ, سودان كەيٸن ٷلكەن كٶلەمدە ساتۋ», - دەدٸ ساپارحان وماروۆ وكق-دا ٶتكەن باسپاسٶز مەسليحاتىندا.
مينيستردٸڭ ايتۋىنشا بيىل الماتى, تٷركٸستان, جامبىل وبلىستارىندا «القاپتان – سٶرەگە دەيٸن» دەگەن اۋىلداعى كووپەراتسييالىق تٸزبەكتٸ دامىتۋ جۇمىسى باستالعان.
«بۇل – ساۋدا ورىندارى مەن شارۋالاردى قوسىپ, دەلدالسىز تٸكەلەي ساۋدا جاساۋعا مٷمكٸندٸك جاساۋ. بيىل ٷش وبلىستا جٷرٸپ جاتىر. وعان رەسپۋبليكالىق بيۋدجەتتەن قوسىمشا قاراجات بٶلٸندٸ. وسى جىلدىڭ اياعىنا قاراي تٸزبەك جاقسى جۇمىس ٸستەيتٸن بولسا, ول باستامانى باسقا دا وبلىستا جالعاستىراتىن بولامىز», - دەدٸ ول.
