بيىل 3 مىڭ جالپى پراكتيكا دەرٸگەرٸ بٸلٸكتٸلٸك ارتتىرۋ كۋرستارىنا جٸبەرٸلەدٸ. بۇل تۋرالى مەجٸلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ ورىنباسارى ەرالى توعجانوۆتىڭ جاۋابىنا ايتىلعان, دەپ حابارلايدى قازاقپارات.
ۆيتسە-پرەمەر جاۋابىندا قازاقستان بويىنشا رەزيدەنتۋرادا كادرلار دايارلاۋعا وبلىستىق دەنساۋلىق ساقتاۋ باسقارمالارى بەرگەن 1 656 ٶتٸنٸمٸنٸڭ 1 500-ٸ قاناعاتتاندىرىلعانىن اتاپ ٶتەدٸ. ال دەرٸگەرلٸك كادرلار تەڭگەرٸمسٸزدٸگٸ بارىنشا جوعارى ٶڭٸرلەردە ولاردىڭ قاجەتتٸلٸگٸ تولىق دەرلٸك جابىلدى.
«مەسەلەن, اقمولا وبلىسى بويىنشا 257 مامانعا دەگەن قاجەتتٸلٸكتٸ, بٸلٸم جەنە عىلىم ۇيىمدارىنا ولاردىڭ ٶڭٸرلٸك ورنالاسۋىن ەسكەرە وتىرىپ, 2021-2022 وقۋ جىلىنا مەملەكەتتٸك بٸلٸم بەرۋ تاپسىرىسى بويىنشا 216 ورىن نەمەسە قاجەتتٸلٸكتٸڭ 84 پايىزى بٶلٸندٸ. قوستاناي وبلىسىندا ٶڭٸرگە ٶتٸنٸم بەرگەن كەزدە 250 مامانعا رەزيدەنتۋرادا 233 ورىن نەمەسە قاجەتتٸلٸكتٸڭ 93 پايىزى ورنالاستىرىلدى», - دەدٸ ەرالى توعجانوۆ.
سونىمەن قاتار ول 2021 جىلعى 12 قازاندا ٷكٸمەتتٸڭ قاۋلىسىمەن «دەنٸ ساۋ ۇلت» ەربٸر ازامات ٷشٸن ساپالى جەنە قولجەتٸمدٸ دەنساۋلىق ساقتاۋ» ۇلتتىق جوباسى بەكٸتٸلگەنٸن اتاپ ٶتەدٸ.
«وندا مەديتسينا كادرلارىن, ونىڭ ٸشٸندە ارنايى جەنە تاپشى ماماندىقتاردى دايارلاۋعا ارنالعان گرانتتاردىڭ سانىن 2021 جىلعا بٶلٸنگەن 1500-دەن 2025 جىلى 2000-عا دەيٸن ۇلعايتۋ جوسپارلاندى. 2021 جىلى 3000 جالپى پراكتيكا دەرٸگەرلەرٸن (2020 جىلى – 2525 ادام وقىتىلدى) بٸلٸكتٸلٸگٸن ارتتىرۋ كۋرستارىنا جٸبەرۋ جوسپارلاندى», - دەدٸ ٷكٸمەت باسشىسىنىڭ ورىنباسارى.
