فوتو: قر دسم
اباي وبلىستىق دەنساۋلىق ساقتاۋ باسقارماسىنىڭ مەلٸمەتٸنشە, زارداپ شەككەن قىز بالا مەديتسينالىق اۆياتسييا ارقىلى اۋداندىق اۋرۋحانادان سەمەي مەديتسينا ۋنيۆەرسيتەتٸ گوسپيتالٸنٸڭ بالالار بٶلٸمشەسٸنە جەتكٸزٸلگەن, دەپ حابارلايدى Ult.kz.
«جاراقاتىنىڭ اۋىرلىعىنا جەنە تاسىمالداۋ كەزٸندە ٶمٸرٸنە قاۋٸپ تٶندٸرۋ ىقتيمالدىعىنا بايلانىستى بٸردەن وبلىس ورتالىعىنا جەتكٸزۋ مٷمكٸن بولمادى. ٷنەمٸ باقىلاۋ مەن تەكسەرۋلەردەن كەيٸن جاعدايى ەۋەكٶلٸگٸمەن تاسىمالداۋعا جارامدى دەپ تانىلىپ, سەمەيگە جەتكٸزۋ تۋرالى شەشٸم قابىلداندى.
سەمەي مەديتسينا ۋنيۆەرسيتەتٸ گوسپيتالٸنٸڭ دەرٸگەرلەرٸ, اتاپ ايتقاندا, گوسپيتال ديرەكتورىنىڭ پەدياترييا جٶنٸندەگٸ ورىنباسارى, اباي وبلىسىنىڭ شتاتتان تىس باس انەستەزيولوگى دۋلات كاريموۆ جەنە بالالار تراۆماتولوگيياسى بٶلٸمٸنٸڭ مەڭگەرۋشٸسٸ, وبلىستىڭ شتاتتان تىس باس نەيروحيرۋرگٸ جاسۇلان اسەتوۆ العاشقى كٷننەن باستاپ ٷرجار اۋداندىق اۋرۋحاناسىندا كٶمەك كٶرسەتٸپ, بالانى وبلىس ورتالىعىنا جەتكٸزدٸ», – دەلٸنگەن حابارلامادا.
وبلىستىق دەنساۋلىق ساقتاۋ باسقارماسىنىڭ ٶكٸلدەرٸ قازٸرگٸ ۋاقىتتا ۋنيۆەرسيتەت گوسپيتالٸندە زاماناۋي قۇرىلعىلاردىڭ كٶمەگٸمەن زارداپ شەككەن بالانىڭ جاعدايى جان-جاقتى تەكسەرٸلٸپ, تيٸستٸ ەمدەۋ شارالارى جٷرگٸزٸلٸپ جاتقانىن ايتتى.
ول انەستەزييا, رەانيماتسييا جەنە قارقىندى تەراپييا بٶلٸمشەسٸندە ەم قابىلداپ جاتىر.
ەستەرٸڭٸزگە سالا كەتەيٸك, اباي وبلىسى ٷرجار اۋدانىنىڭ بەستەرەك اۋىلىندا اۋىر جول اپاتى بولىپ, ٷي ماڭىندا ويناپ جٷرگەن بالالاردى 55 جاستاعى «Toyota» اۆتوكٶلٸگٸنٸڭ جٷرگٸزۋشٸسٸ قاعىپ كەتكەن.
سالدارىنان كەمەلەتكە تولماعان ەكٸ بالا وقيعا ورنىندا كٶز جۇمسا, بٸرەۋٸ اۋرۋحاناعا بارا جاتقان جولدا قازا بولعان. ولاردىڭ جاسى 2-7 جاس ارالىعىندا. ال جاراقات العان تاعى ٷش بالا اۋرۋحاناعا جەتكٸزٸلگەن. ولاردىڭ جاسى 6-9 جاس ارالىعىندا. زارداپ شەككەندەر ەكٸ وتباسىنىڭ بالالارى.
مەملەكەت باسشىسىنىڭ تاپسىرماسىمەن دەنساۋلىق ساقتاۋ مينيسترلٸگٸ جاعدايدى ەرەكشە باقىلاۋدا ۇستاپ وتىر.
