فوتو: اشىق دەرەككٶز
اباي وبلىسىنىڭ ٷرجار اۋدانىندا جول اپاتىنان زارداپ شەككەن بالالارعا بٷگٸنگٸ كٷنٸ بارلىق قاجەتتٸ مەديتسينالىق كٶمەك كٶرسەتٸلٸپ جاتىر, دەپ حابارلايدى Ult.kz.
وبلىستىق جەنە رەسپۋبليكالىق دەڭگەيدەگٸ مامانداردان قۇرالعان مۋلتيديستسيپلينارلى بريگادا تولىق دياگنوستيكالىق تەكسەرۋلەر جٷرگٸزٸپ, ناۋقاستاردىڭ جاعدايىن باعالاپ, وتا جاساۋ جوسپارىن قۇردى.
قازٸر ستاتسيوناردا ٷش بالا ەم الۋدا: ولاردىڭ بٸرٸنٸڭ جاعدايى – ٶتە اۋىر, ەكەۋٸنٸڭ جاعدايى – اۋىر, بٸراق تۇراقتى.
بالالاردىڭ جاعدايىنىڭ اۋىرلىعى العان جاراقاتتارىمەن بايلانىستى. دەرٸگەرلەر بالالارعا مي-باس سٷيەك جاراقاتى, تٸرەك-قيمىل اپپاراتىنىڭ جەنە ٸشكٸ اعزالاردىڭ جاراقاتتارىن انىقتادى.
بالالاردىڭ جاعدايى تۇراقتاندىرىلعاننان كەيٸن ولاردى ەۋە بورتتارىمەن استاناعا جەتكٸزۋ مەسەلەسٸ شەشٸلەتٸن بولادى.
قازٸرگٸ ۋاقىتتا دەرٸگەرلەر بريگاداسى بٸر پاتسيەنتكە ميعا كٷردەلٸ نەيروحيرۋرگييالىق وتا جاساپ جاتىر, ال ٸشكٸ اعزالارداعى قان كەتۋ توقتاتىلدى.
بۇعان دەيٸن حابارلانعانداي, مەملەكەت باسشىسىنىڭ تاپسىرماسى بويىنشا ٷرجار اۋدانىندا جول اپاتىنان زارداپ شەككەن بالالارعا كٶمەك كٶرسەتۋ ٷشٸن قورعانىس مينيسترلٸگٸنٸڭ س-295 ەسكەري-ترانسپورتتىق ۇشاعى قۇرامىندا نەيروحيرۋرگ, تراۆماتولوگ جەنە رەانيماتولوگ بار مەديتسينالىق بريگادامەن ۇشىپ كەلگەن بولاتىن.
دەنساۋلىق ساقتاۋ مينيسترلٸگٸ جاعدايدى ەرەكشە باقىلاۋدا ۇستاپ وتىر. بالالارعا تولىق كٶلەمدە مەديتسينالىق كٶمەك كٶرسەتٸلۋدە, ەلٸمٸزدٸڭ ٷزدٸك ماماندارى جۇمىلدىرىلعان.
