Foto: ashyq derekkóz
Abai oblysynyń Úrjar aýdanynda jol apatynan zardap shekken balalarǵa búgingi kúni barlyq qajetti meditsinalyq kómek kórsetilip jatyr, dep habarlaidy Ult.kz.
Oblystyq jáne respýblikalyq deńgeidegi mamandardan quralǵan mýltidistsiplinarly brigada tolyq diagnostikalyq tekserýler júrgizip, naýqastardyń jaǵdaiyn baǵalap, ota jasaý josparyn qurdy.
Qazir statsionarda úsh bala em alýda: olardyń biriniń jaǵdaiy – óte aýyr, ekeýiniń jaǵdaiy – aýyr, biraq turaqty.
Balalardyń jaǵdaiynyń aýyrlyǵy alǵan jaraqattarymen bailanysty. Dárigerler balalarǵa mi-bas súiek jaraqaty, tirek-qimyl apparatynyń jáne ishki aǵzalardyń jaraqattaryn anyqtady.
Balalardyń jaǵdaiy turaqtandyrylǵannan keiin olardy áýe borttarymen Astanaǵa jetkizý máselesi sheshiletin bolady.
Qazirgi ýaqytta dárigerler brigadasy bir patsientke miǵa kúrdeli neirohirýrgiialyq ota jasap jatyr, al ishki aǵzalardaǵy qan ketý toqtatyldy.
Buǵan deiin habarlanǵandai, Memleket basshysynyń tapsyrmasy boiynsha Úrjar aýdanynda jol apatynan zardap shekken balalarǵa kómek kórsetý úshin Qorǵanys ministrliginiń S-295 áskeri-transporttyq ushaǵy quramynda neirohirýrg, travmatolog jáne reanimatolog bar meditsinalyq brigadamen ushyp kelgen bolatyn.
Densaýlyq saqtaý ministrligi jaǵdaidy erekshe baqylaýda ustap otyr. Balalarǵa tolyq kólemde meditsinalyq kómek kórsetilýde, elimizdiń úzdik mamandary jumyldyrylǵan.
