ۇرلانعان قارۋلاردىڭ ەلٸ تولىق تابىلماۋى قاڭتار وقيعاسى تىڭعىلىقتى جوسپارلانعانىن كٶرسەتەدٸ. مەجٸلٸستٸڭ جالپى وتىرىسىندا دەپۋتتاردىڭ سۇراقتارىنا جاۋاپ بەرگەن قر ٸشكٸ ٸستەر مينيسترٸ مارات احمەتجانوۆ وسىنداي پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
دەپۋتات يرينا ۋنجاكوۆا ٸشكٸ ٸستەر مينيسترٸنەن قاڭتار وقيعاسى كەزٸندە ۇرلانعان قارۋدىڭ قالعان بٶلٸگٸن تەزدەتٸپ تابۋ ٷشٸن قانداي شارالار قابىلدانىپ جاتقانىن سۇرادى.
«شىنىمەن دە, بٷگٸندە, ٶكٸنٸشكە قاراي, 2000-نان استام قارۋ ەلٸ تابىلعان جوق. مۇنى ناقتى ايتۋىمىز كەرەك. مەن تاعى دا ازاماتتارىمىزعا قايىرىلعىم كەلەدٸ. ٸشكٸ ٸستەر مينيسترلٸگٸ زاڭعا سٷيەنە وتىرىپ, قارۋدى ٶز ەركٸمەن تاپسىرعان ادامداردى ەكٸمشٸلٸك, قىلمىستىق ٸستەرگە تارتپاۋ تۋرالى كەپٸلدٸك بەرەدٸ. وسى 2000-نان استام اتىس قارۋى تابىلماي جاتقانى, جاسىرۋلى جاتۋى قاڭتار وقيعاسى الدىن الا جوسپارلانعانىن ايعاقتايدى. ەرينە, ول قارۋلار قازٸر بٸزدٸڭ تۇرعىندارعا شىنىمەن قاۋٸپ تٶندٸرەدٸ. سوندىقتان ٸشكٸ ٸستەر مينيسترلٸگٸ «قارۋ» اتتى ارنايى وپەراتسييا جٷرگٸزٸپ جاتىر. وعان جەكە قۇرامنىڭ 10 مىڭ قىزمەتكەرٸ جۇمىلدىرىلعان», - دەدٸ مينيستر.
ايتۋىنشا, بۇل باعىتتاعى جۇمىستار جەدەل تەرگەۋ باعىتىندا عانا ەمەس, ەل اراسىندا تٷسٸندٸرۋ باعىتىندا دا جٷرٸپ جاتىر.
«تٷسٸندٸرۋ جۇمىستارى جەمٸسٸن بەرٸپ جاتقانىن ايتۋ كەرەك. مىسالى, الماتى وبلىسىنداعى اۋىلداردىڭ بٸرٸندە تۇرعىندار قارۋ ساتپاق بولعان قىلمىسكەرلەردٸ ٶزدەرٸ ۇستاپ, ۇرلانعان قاۋلارىمەن بٸرگە پوليتسيياعا تاپسىردى. قازٸر ول ادامدار قاماۋدا. ولاردىڭ باسقا دا بٸرقاتار قىلمىس جاساعانى بەلگٸلٸ بولدى», - دەدٸ مارات احمەتجانوۆ.
