بٷگٸن پارلامەنت مەجٸلٸسٸنٸڭ جالپى وتىرىسىندا پالاتا دەپۋتاتتارى جەر قويناۋىن پايدالانۋ مەسەلەلەرٸ بويىنشا قۇجاتقا سەنات ەنگٸزگەن تولىقتىرۋمەن كەلٸستٸ, دەپ حابارلايدى "ۇلت اقپارات".
اتاپ ايتقاندا, 2020 جىلدىڭ 23 جەلتوقسانىندا پارلامەنت مەجٸلٸسٸ «جەر قويناۋى جەنە جەر قويناۋىن پايدالانۋ تۋرالى» قازاقستان رەسپۋبليكاسىنىڭ كودەكسٸنە ۋران ٶندٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن ەكٸنشٸ وقىلىمدا ماقۇلداعان بولاتىن.
بيىلعى 17 اقپاندا سەناتتىڭ جالپى وتىرىسىندا «اتالعان زاڭ جوباسى ەكٸ وقىلىمدا قارالدى. قۇجاتقا تولىقتىرۋ ەنگٸزٸلگەندٸكتەن, زاڭ جوباسى مەجٸلٸسكە قايتارىلدى.
زاڭ جوباسى سەنات كوميتەتتٸڭ كەڭەيتٸلگەن وتىرىسىندا ەكٸنشٸ وقىلىمدا قارالدى. قۇجات ەلٸمٸزدەگٸ ۋران ٶندٸرۋ سالاسىن قۇقىقتىق رەتتەۋدٸ جەتٸلدٸرۋگە باعىتتالعان. مەملەكەت باسشىسىنىڭ بيىلعى 26 قاڭتاردا ٷكٸمەتتٸڭ كەڭەيتٸلگەن وتىرىسىندا مەملەكەتتٸك جەنە جەكە وپەراتورلاردى قۇرۋعا تىيىم سالۋ جٶنٸندەگٸ بەرگەن تاپسىرماسىن ورىنداۋ ماقساتىندا سەنات دەپۋتاتتارى زاڭ جوباسىنىڭ بٸرٸنشٸ بابىنىڭ بەسٸنشٸ تارماقشاسىنىڭ 14,15,16,17,18-شٸ جەنە 19-شى ابزاتستى الىپ تاستاۋدى ۇسىندى. ٷكٸمەتتٸڭ بيىلعى 17 اقپاندا كەلگەن قورىتىندىسىنا سەيكەس, بۇل ۇسىنىس قولداۋ تاپتى. زاڭ جوباسىنداعى بارلىق تٷزەتۋلەر ۋران سالاسىنداعى قارىم-قاتىناستاردى ەرٸ قاراي جەتٸلدٸرۋگە باعىتتالعان.
قۇجاتتى بٷگٸن مەجٸلٸستٸڭ جالپى وتىرىسىندا دەپۋتات, ەكولوگييا مەسەلەلەرٸ جەنە تابيعات پايدالانۋ كوميتەتٸنٸڭ تٶراعاسى الەكساندر ميليۋتين قر پارلامەنتٸ سەناتى ەنگٸزگەن ٶزگەرتۋمەن كەلٸسۋدٸ ۇسىندى. زاڭ جوباسىن قاراۋ كەزٸندە پالاتا دەپۋتاتتارى بۇل ۇسىنىسقا قولداۋ بٸلدٸردٸ.
