ٷندٸستاننىڭ ۋتتار-پرادەش شتاتىندا 90-عا جۋىق ادام زيكا ۆيرۋسىن جۇقتىرعان, دەپ حابارلايدى قازاقپارات Economic Times-كە سٸلتەمە جاساپ.
جەرگٸلٸكتٸ دەنساۋلىق ساقتاۋ دەپارتامەنتٸنٸڭ دەرەگٸنە قاراعاندا, اۋرۋدىڭ كٶپ بٶلٸگٸ كانپۋر قالاسىندا تٸركەلگەن.
دٷيسەنبٸدەگٸ جاعداي بويىنشا كەم دەگەندە 89 ادام, ونىڭ ٸشٸندە 17 بالا زيكا ۆيرۋسىنا وڭ نەتيجە بەردٸ, دەپ حابارلادى دەپارتامەنت. بٸرٸنشٸ جاعداي 23 قازاندا انىقتالدى, سودان بەرٸ دەرت جۇقتىرعاندار سانى تۇراقتى تٷردە ٶسٸپ كەلەدٸ.
زيكا – ەسٸرەسە بالالار, قارت ادامدار, سوزىلمالى اۋرۋعا شالدىققاندار, سونداي-اق اياعى اۋىر ەيەلدەر ٷشٸن قاۋٸپتٸ. اۋرۋدى شىبىن-شٸركەي تاراتادى. ٷندٸستاندا جاڭبىرلى ماۋسىم اياقتالىپ كەلەدٸ, بۇل كەزدە بۇل جەندٸكتەردٸڭ سانى كٷرت ارتادى.
