Úndistannyń Ýttar-Pradesh shtatynda 90-ǵa jýyq adam Zika virýsyn juqtyrǵan, dep habarlaidy QazAqparat Economic Times-ke silteme jasap.
Jergilikti densaýlyq saqtaý departamentiniń deregine qaraǵanda, aýrýdyń kóp bóligi Kanpýr qalasynda tirkelgen.
Dúisenbidegi jaǵdai boiynsha kem degende 89 adam, onyń ishinde 17 bala Zika virýsyna oń nátije berdi, dep habarlady departament. Birinshi jaǵdai 23 qazanda anyqtaldy, sodan beri dert juqtyrǵandar sany turaqty túrde ósip keledi.
Zika – ásirese balalar, qart adamdar, sozylmaly aýrýǵa shaldyqqandar, sondai-aq aiaǵy aýyr áielder úshin qaýipti. Aýrýdy shybyn-shirkei taratady. Úndistanda jańbyrly maýsym aiaqtalyp keledi, bul kezde bul jándikterdiń sany kúrt artady.
